جماعة كنت حابب أكلمكم في حاجة مش فاهمها بقالي فترة كبيرة. أنا الحمدلله من الناس المتفوقين في كلية الطب وأنا في السنة الثالثة ليا ، بس بيحصلي حاجة غريبة اوي ، أنا بتعب كتير وبحس ان الدرجة اللي باخدها مش قد تعبي خالص ، والعكس في ناس بتتعب اقل مني وبتاخد درجات اعلى مني مثلا بدرجة او درجتين ، أنا راجعت نفسي وقولت أكيد في ذنب بعمله سلب مني التوفيق وخصوصا إنه عنصر مهم بس برضو لما راجعت اللي حواليا لقيت انهم بيعملو ذنوب زيي بل وأكتر مني وعالملأ كمان وبعضهم بيجاهر بيها ومع ذلك درجاتهم اعلى برضو ، أنا لما حسبت الموضوع لقيت اني لما بعمل ذنب واحد بس بتعاقب عليه فورا في الامتحان اللي بعديه لكن غيري عايشين حرفيا على هواهم وشهواتهم ودرجاتهم مش بتتأثر والتوفيق مازال محالفهم برضو طب ازاي؟! هو المفروض ربنا اسمه العدل ازاي انا اتعاقب فوريا على اي حاجة اعملها وغيري عايش ولا على باله ودنيته ماشية حلاوة زي ما بيقولو؟! أنا بجد مبقتش عارف افكر خالص في الموضوع دا لانه بيرهقني نفسيا وعاوز رأيكم وياريت يكون حد فاهم دين كويس يرد علي. وبارك الله فيكم جميعا🌹

1

16