لامبالا في الدراسه وندم بعد فشلي في الثانويه

Question

انا طول عمري عندي لامبالا ف موضوع الدراسه  مش بعرف اذاكر حتى ف الثانويه العامه المشكله اني كنت مدرك انها سنه فاصله و ان لو معملتش اللي عليا هندم باقي عمري بس كان في لامبالا اني اذاكر لحد ما جيت ف للآخر و بدأت احترم نفسك ف المذاكره و ف الصلاه و فالاخر نجحت بالعافيه ف كل المواد و دخلت معهد خاص عدى 3 سنين ولحد دلوقتي مش عارف انسي اني عملت ف نفسي كده 
و دايما شايف ان الناس شيفاني اقل منهم رغم اني وانا بدرس شغال ف مجال تاني ملوش علاقة ب دراستي و و ناجح فيه جدا و بيتقال اني اشطر و أصغر واحد فيه بس مش عارف اشوف غير شخص الفاشل اللي فشل ف الثانويه العامه كان الحياه وقفت

French Fries_57474 🇪🇬 · Accepted Answer

بما اني في ثانويه عامه و امتحناتي بعد كم يوم عايز نصيحه منكم لعلها تغير شيء سيء ممكن اقع فيه

Coffee_57918 🇪🇬 · Answer

يا الله
نفس اللي حصلي بالظبط والله، مع فرق الكلية وكده 
حرفياً حياتي واقفة عند اللحظة دي ومش قادرة أغير نظرتي لنفسي غير إني فشلت في ثانوية عامة فعلاً والحياة وقفت

Lemon_57912 🇪🇬 · Answer

ممكن احساسك بالندم انك محاولتش محسسك بالفشل عندك حق ف الاحساس دا بس طالما عرفت تثبت نفسك ف حاجه تانيه انسي شعورك بالندم دا اللي عدي عدي عموما مش هتفضل طول الوقت مثبت نفسك ف الافكار دي وحلو انك اثبت نفسك ف حاجه تانيه    حاول تفضل محافظ علي نجاحك دا لو مش قادر تشوفه دلوقت هتشوفه بعدين🫡✨

Chocolate_57322 🇪🇬 · Answer

ثانوية عامة مش نهاية العالم يعني ملكش دعوه بالناس وسيبك منهم طالما انت في حاجه وناجح فيها حلو اوي وربنا اكيد كاتبلك حاجه احسن من مستقبل ثانوية عامة

Tomato_54793 🇪🇬 · Answer

المشكلة مش في ان كان عندك لامبالاه ومذاكرتش وجبت مجموع
المشكلة في طريقة تفكيرك او نظرتك لنفسك او لنظرتك لسلوكك

Avocado_57638 🇪🇬 · Answer

طب واللى عمل اللي عليه وطحن نفسه وفي الاخر جاب مجموع عقله عمره ما توقعه ولا مدركه 
انا جبت 65% انا حتي مكنتش متوقعه اني ممكن انزل عن 85% متخيل كم الصدمه المهووله دي 
كان نفسي في صيدلة اوووي اوووي بنيت عليها كل حاجه لدرجه كنت بختار اللوجو اللي هحطه علي البلطو اللي هجيبه وفي الاخر دخلت تربيه علوم رغم اني كنت هدخل خاص صيدلة وقفت معايا علي 1% 
كل خططي ادمرت وكنت بعيط واللى قهرني اكتر معظم صحابي دخلوها

Cookies_57355 🇪🇬 · Answer

يحبيبي مفيش حد بيتشغل ب شهادتو ودي حاجه كلنا عارفينها والفكره مش ف الشهادة الفكرة ف انك الحمدالله متعلم بتعرف تقراء و تكتب المهم تكون شاطر ف شغلك و بتعرف تجيب الجنيه

Avocado_57638 🇪🇬 · Answer

مش بحقد عليهم انا بس زعلانه علي نفسي 
بس عارف انا بحكيلك دا كله ليه عشان انا دلوقتي شغاله في مجالين مجال دراستي وهي تربيه قسم علوم اللي اقدر منه اعمل دبلومه في كليه علوم واكون دكتوره تحاليل وفي نفس الوقت بدي درس لاختي وكم صحابه ليها بديهم علوم والمجال التاني اني باخد كورسات برمجه وفي مجال تالت هشتغل عليه الفتره الجايه بس اخلص امتحانات هو اني اعمل محتويات المنهج واشتغل بيزنس مع المدرسين الكبار

Avocado_57638 🇪🇬 · Answer

بلس كمان اني حضرت منحه لتحاليل الطبيه واتعرفت علي دكاتره والمنحه دي حضرتها في محافظة تانيه غير محافظتي ولما عملوها في محافظتي كلمني دكتور من الدكاتره انزل معاهم وبقيت بشرح معاهم ولناس اكبر واصغر مني وفي قدي وكلهم بيقولولي يا دكتوره رغم اني عندي 19 سنه بس وحقيقي انا فرحانه باختيار ربنا ليا اه لو عديت من قدام كليه صيدلة بزعل بس الحمدلله انا راضيه باللي انا في الحمدلله احمد ربنا بقاا

Avocado_57638 🇪🇬 · Answer

المشكله ان الكومنت مش بياخد كلام كتيرالمهم اكيد ربنا شايلك في حته احسن بكتير والناس اللي بتقلل منك دي بكره تتفرج عليك وانت احسن منهم كلهم متزعلش نفسك احمد ربنا وقول الحمدلله كل ما ترضي كل ما ربنا يديك و يرزقك من وسع خليك واثق من نفسك والتعليم مش كل حاجه يعني ياما ناس خلصت تعليم وقاعدين مفيش شغل حد اعرفه خريج خدمه اجتماعيه حاليه شغال مهندس زراعي في شركه تصدير ومهندس جوده ماشاءالله شوفت بقا ف كمل 😊

Apple_57874 🇪🇬 · Answer

اعمل اللي عليك الفتره اللي جيه من غير ما تضغط نفسك عشان مياثرش عليك ف الامتحانات انت تقريبا امتحانك الاسبوع اللي جي ربنا معاك متشغلش بالك ب حاجه الفتره دي غير المذاكره بس من غير ما تضغط نفسك

Apple_57874 🇪🇬 · Answer

حاولي تخلي الاحساس ميسطرش عليكي غير شويه التفكير مش اكتر بس ميعطلكيش لانه ف الاول ف الاخر مش هيتغير  للاسف

Apple_57874 🇪🇬 · Answer

منا ببقى تمام لحد لما حد يسألني انت ف كليه ايه اللي بالمناسبه بتحرج اقول اني ف معهد ف انا ببقا ماشي كويس كده و تقريبا من كتر ما ناس مستغربه تقوم تسألني بتدرس اسه ساعتها الحوار بيبوظ معايا زي ما حصل الصبح والأصعب اني لازم مبينش اني مضايق

Apple_57874 🇪🇬 · Answer

منا مدرك ده والله بس بردو مدرك انها مش سنه و عدت هي هتفضل لازقه فيا و هفضل اتسال عنها

Avocado_57811 🇪🇬 · Answer

قبل كل شئ اعرف انك لا تملك من الأمر حاجه وان كله ب ايد ربنا كثف  دعائك ومعاك شهر اجتهد فيه ع قد ما تقدر وكل م تتعب افتكر انها ايام وتخرج لحياتك الطبيعيه تاني وبالتوفيق ان شاء الله

Apple_57874 🇪🇬 · Answer

يمكن عشان مقتنع  انها مش مجرد  سنه و عدت الموضع معايا علطول

Apple_57874 🇪🇬 · Answer

الموضوع مش بالبساطه دي حتى لو نجحت ف مكان تاني هفضل اتسال عن السنه دي

Chocolate_57322 🇪🇬 · Answer

فاهماك والله انا داخله تالته ثانوي وبتسأل عنها قبل ما ادخلها وسيبك م الناس ومتردش المهم دلوقتي انك ناجح وخلاص وغير كده ده ليك مش للناس

Apple_57874 🇪🇬 · Answer

قبل اى حاجه عايز اشكرك ع كلامك و ربنا يوفقك بعد كده عشان ما شاء الله واضح انك مجتهده 
+اني مش زعلان ع قد ما عارف ان دي حاجه هتفضل معايا علطول مش هتتنسي و هتسال علبها علطول

Avocado_57638 🇪🇬 · Answer

تسلم بجد 
انا فاهماك كويس اللي هو مثلا في المستقبل اولادك مثلا يسألوك بابا جبت مجموع كم قوله مجموعك الحقيقي وقوله دا بسبب اي عرفه اللي انت وقعت فيه عشان اولادك يتعلموا منك وانت مهما كان مجموعك الاولاد بيفتخروا ب ابوهم في تعامل وحسن السمعه و الاخلاق مش بالمجموع ولا الكليه او المعهد ولعلمك بقاا انا بابا خريج معهد وانا مش قادره اوصفلك انا فخوره ب ابويا جدا رغم ان شغلانته عكس مجاله وتخيل معرفش مجموعه

Avocado_57638 🇪🇬 · Answer

لو مين سألك قوله ولو حسيت استهزاء منه انت المفروض تقلل منه فورا والله العظيم مافيش حاجه اسمها كليات قمه ولا نيله كله محصل بعضه وكل واحد له دور مهم بمجاله واتباها بنفسك انت عارف نفسك على اي ف سيبك من الناس هو في حد بيسلم منهم والله العظيم يعني مهما كنت انت في عمرك ما توصل ان عمتك ترن على مامتك تشمت فيها وتخيل بقاا انا بنت بتشمت متخيل انا متوجعتش علي نفسي قد ما اتوجعت علي ماما

Avocado_57638 🇪🇬 · Answer

ومن ساعتها عمتي بقت عدوتي 😂🙂
مع انها اكتر واحده كنت بحبها دلوقتي والله العظيم يعني بسلم عليها بالعافيه ومش بديها فرصه يعني تقلل مني او تزعل ماما بحرق دمها انا الاول بس بذوق واحترام انا مش وحشه ولا شريره 😅
بس موقفها وحش معايا من ساعتها بس انا حاسه اني بحكيلك و بشكيلك بدل ما المفروض اواسيك 😅🤦🏻‍♀️

Avocado_57638 🇪🇬 · Answer

قبل اي حاجه ربنا كاتبلك مكان اكيد مليون في الميه احسن حاجه + ركز الفتره دي وحل اسئله كتير عرض نفسك لاسئلة كتير عشان الافكار كلها تعدي عليك واستعين بالله وصلي وادعي كتير ادعي كتير الدعاء بيغير الاقدار وربنا يوفقك ويكرمك يارب 😊

Apple_57874 🇪🇬 · Answer

ربنا معاكي أن شاء الله تبقى سنه كويسه و تجيبي المجموعه و الكليه اللي نفسك فيهم

Apple_57874 🇪🇬 · Answer

لا لا زي الفل براحتك انا مش متعود اني انزل حاجه زي كده اصلا اشطا 😂

Lemon_57912 🇪🇬 · Answer

فهمت قصدك عشان كده بتضايق 
بس شوفها بطريقه تانيه انت متضايق عشان انت شايف ان المعهد حاجه مش كويسه ولا عشان الناس شايفه انها حاجه مش قد كده 
+ شوفها بطريقه ان بدل ما يسألوك بتدرس اي وتضايق انك تفكر انك بتدرس حاجتين واحده ف مجال والتانيه ف مجال ف دي حاجه جامده جدا مش اي حد يقدر يعملها ربنا يوفقك/ي