ضروك صحبي نتا إنسان و دير خط تحت كلمة "إنسان" يعني كرمك ربي على بقية خلقه بعقل و دير خط على كلمة "عقل".. العقل هذا normalement خدمته يأثر على قراراتك و جميع حياتك بتفاصيلها ، تسما قادر نيته هذا العقل يعطيك قرار صائب و يجيك خطأ و هذا مكتوب تسما ما نلوموش عليه عادي نفوتوها.. بصح كيفاه إنسان عاقل يطيڨ يقبل يتزوج بوحدة عندها ماضي ؟ و الماضي هذاك علباله بيه ! و علباله بتفاصيله المفصلة.. كيفاه بنادم يتزوج بطفلة كانت مع صاحبه قبله و يزيد يعاديه مالفوڨ و فرحان على أساس أنا ربحت الجائزة و نتا خسرت.. بل مرات يعرض صاحبه للعرس شغل رواح زكارة ؟ سبحان الله الوقت يفوت و الرجال يزيدوا دياثة و طراوة يوم بعد يوم فالعلاقات ، لأني آخر ثلث سنين ول سمعت على الأقل من محيطي كش 10 عيباد تزوجوا بنساء علبالهم بماضيهم و كانوا في علاقة مع صحابهم ، و متقبلين الفكرة و متعايشين معاها عادي ، بل و يزيد يشوفك حاسده لأنه فاز بالأميرة ! الله يرزقنا العقل و البصيرة لي يخلونا نتحكموا و نسيطروا على الطنة الزايدة لي دخل الراجل فغياهب الدياثة هاذوا.

0

3