ليه مش قادر أتعايش في القاهرة وبقيت بجعر؟

Question

حد يفسرلي عدم القدرة على التعايش في مدينة زي القاهرة.. كره للوسع وكره للمشاوير وعدم التطبع على اسلوب الناس.. وحاسس العمر بيضيع في قضيان المصالح ومفيش امانة ولا فيه ثقة في اي حد بيقدم خدمة.. في الاول كنت مسالم ومتربي وابن ناس.. دلوقتي بقيت بجعر عمال على بطال وبواجه بغشم وقلة ادب وبعمل مشاكل من لا شئ لغاية ماكرهت نفسي وكرهت اللي بقيت عليه.. هل انا لوحدي اللي مش متقبل ده؟

Donut_56598 🇪🇬 · Accepted Answer

انا بنت و كنت بشتغل و بقولك اهو القاهرة بلد مسعورة و لازم تكون قليل الادب علشان الناس تحترمك.. ده انا حصل معايا مواقف 😂😂😂 استقالتي مكنتش من فراغ 😂

الحل سيدي الفاضل بما أن صعب ان تعتزل ما يؤذيك ... ابتعد تماما عن أي حد قليل المستوي و اسكت لكن لو حد بدأ الاول خليك هادي .. و بعدها اتجنن براحتك

خد بالك في ناس متحترمش المؤدب بتدوس عليه اكتر

Mango_58587 🇪🇬 · Answer

انك تبقى وخش مش سببه خالص انهم وحشين انت فشلت فى معالجة الامر لكن القاهره والعيشه فيها مرا وميعرفش غير اللى حرب غيرها واللى بيقول غيرها غالبا يا صغير يا فلاح منبهر باضواء المدينه

Coconut_56317 🇪🇬 · Answer

والله العظيم انت انسان طبيعي القاهره دي محافظه مسعوره بنت 60 كلب انت طبيعي جدا جدا جدا جدا جدا جدا بس ما تخليش نفسك تبقى قليل الادب ولسانك فانت وتعمل مشاكل تحت شماعه ان انت مش عارف تتعامل مع الناس لا. 
تقدر تروح اي محافظه تانيه تقدر تتاقلم وتحافظ على نفسك من غير ايه تفقد هويتك

Onion_59528 🇪🇬 · Answer

الله ينور كلامك صح السكوت وقلة الكلام والهزار تخلي الناس تحترمك وتخافك ومتصاحبش زميلك في الشغل ولا تفتح معاه مشروع ولا تخلي حد يدفعلك حاجه والعكس

Peanut_58879 🇪🇬 · Answer

انتي قادرة والله