بدات قصتي مع الإباحية في عمر صغير لما كان عمري 12 عام كنت نتفرج في الرسوم المتحركة و نشوف علاقات الحب بين شخصيات و أحيانا القبل في الأفلام و مع كلام الاولاد في الشارع تكونت عندي صورة على الجنس خلاتني متشوق و فضولي ليه و بديت نحوس على مقاطع بصح تكون تع رسوم متحركة نعرفها من بعد دخلت للسباحة طبعا بعدما سمعت عليها من صحابي و بدأت شيء ما كنتش متصور مدى خطورته و سوءه و كيفاش راح يأثر على حياتي كنت نتفرج قبل البلوغ و بعد البلوغ وليت نتفرج و نمارس عادة سرية و كنت نمارسها بزاف لدرجة حتى تفضحت مع صحاب اار و كي فاقوا تعاقبت مدة و بقيت تحت المراقبة و من بعد عاودت رجعتها كي ما كان الحال و كل هذا و انا عارف انها حاجة غالطة و حتى هاذ الفترة كنت نديرها باعتدال يغني مش بزاف حتى وصلت لثانوية الشهوة وصلت حدة الجنون وليت نمارسها عدة مرات في اليوم في كل مكان ممكن تتخيلوه و الحمد لله ربي مت فضحنيش و أنعم علي بستر و مكانتش عندي علاقات مع البنات فماوصلتش لزنا و حتى تحرش خاطيني ما نقولش بسبب انه حرام و لكن بسبب اني كنت استحيي منه و مانبغيش حاجة ندير حاجة ما نكونش مقبول فيها عموما جات فترة مليح في الثانوية تلاقيت براجل صاحبي ساندني و جرني للإلتزام و كانت أفضل عام او عامين و لا العادة سرية قليلة بزاف و مشاهدة الإباحية شبه منعدم و لكن الشهوة بقات تزيد و عادت حليمة إلى عادتها القديمة العادة السرية و الإباحية و حتى بعض الميولات الغريبة المكتسبة منها رغم اني ظاهريا قريت و تخرجت و نحاول نعمل و علاقاتي مع ناس مليحة و لكن محطم نفسيا و مرهق الأمور لي يديرها الإنسان العادي بأدنى قدر من الجهد انا نديرها بصعوبة و بدون شغف غي ندفع نفسي فوق طاقتها و ما نحكيلكمش على نظرتي لنساء كي ولات مشوهة نكرههم في دم نستقذرهم ما نطيقلهمش رغم ان هذا شي غالط و طبعا ذنوب لا نهائية ترك لصلاة بسبب صعوبة الاغتسال و تقاطعني مشاريع حياتي مثل حفظ القرآن و تعلم و تطوير النفس الخلاصة انها رجعتني إنسان مكسور و الحلول عارفها و لكن هاذ نفس الذابلة المكسورة ما هيش قادرة تخرج من هذا المستنقع علابالي بلي كلامي غادي يجيكم عشوائي و هذا نتيجة ان أفكاري مشوشة فعلا و لا أقدر على الكتابة و لا تفكير بشكل جيد

2

1