مبدأيا انا قصتي غريبة شوية انا طول عمري بشوف اني شخص محتاج احافظ على مشاعري لحد ما تيجي البنت اللي اختارها قلبي عشان اتجوزها و مشاعري تكون معاها هي بالمناسبة انا 25 سنة المهم اخر السنة اللي فاتت صحبي رشحلي واحدة معرفة ليه اتعرفت عليها و ميلت ليها جدا و حبيتها اوووي و ادلقت زي الجردل عملت كل حاجة تيجي على بال اي انسان عشان تبادلني كان اي حاجة حلوة اعملها كان قصدها بس 48 ساعة كويسة إن مكنش أقل لحد ما وصلني كلام و حوارات كتير خلتني أقرر اني افركش و انا موجوووع اوي حاسس اني قليل مش كفاية شخصيتي مش جذابة بشكل كافي مش مدردح معنديش خبرة كافية فقررت اكون العكس تماما حسيت اني بقيت زي المسخ فعلا لا مني الشخص اللي ناس بتحلف بأخلاقه ولا مني الشخص اللي الناس شيفاه باد بوي وسط كل الزحمة ديه قريبي رشحلي بنت تانية بعد ما فركشت بشهرين تقريبا بنت جميلة و لطيفة و فيها كل المميزات اللي ممكن اي راجل يتمناها في زوجته بس كنت حاسس ديما بحاجز الخوف و القلق مش مستعد زهنيا و نفسيا ليها البنت طيبة و بتعاملني احسن معاملة و انا بعاملها بس بخوف و قلق لدرجة اني صدرت عدم الأمان في العلاقة من اول يوم و رغم ده مستحملاني بعد ما عرفت اللي مريت بيه بس انا مش عارف يا جماعة مش عارف اطلع حاجة حلوة ليها انا مكنتش كده و مش عارف اكون ليها شخص كويس راجل تشوف معاه حنية و طيبة و امان بالمناسبة احنا قارين فاتحة حاليا

4

3