Sugar_44731 🇯🇴
منذ 6 أشهر
.
شعور خجول
كان في مكة زمان، طفل صغير اتولد بعيلة كبيرة ومعروفة بين الناس، اسمها كان له وزن وهيبة. لكنه من أول لحظة في حياته، ما كانت الدنيا سهلة عليه. أبوه توفى قبل ما يشوفه، وامه كانت ست طيبة وحنونة، بس ما عاش معاها طويلاً، لأنها هي كمان توفت لما كان عمره حوالي ست سنين. صار يتيم، وانتقل يعيش مع جده اللي كان دايم يهتم فيه ويعامله كأنه كل الدنيا. لكن حتى جده ما عاش معه كثير، وبعدها صار يعيش مع عمه. عمه كان رجل بسيط وفقير، لكنه كان يحب الولد هذا حب ما له حدود، وما كان يترك حدا يقرب عليه أو يزعله. مع إنه ما كان عنده أب ولا أم، الولد هذا كبر بطريقة تخليك تحس إنه فيه شيء خاص. كان دايم صادق بكلامه، أمين بشغله، والكل يثق فيه. ما كان يحب الكذب ولا الغش، ودايم يساعد الناس حتى لو على حساب راحته. لما كبر شوي، صار يشتغل مع عمه في التجارة، وكان يطلع معاه رحلات طويلة للشام. الناس صاروا يعرفوا إنه شغله مرتب وكلامه دايم صادق. في يوم من الأيام، جاته فرصة إنه يشتغل مع تاجرة معروفة بالحكمة والذكاء، كانت غنية وناجحة. مع إنه كان شاب صغير، لكنها حبت صدقه وأمانته، وصار بينهم احترام كبير. الشغل تطور، وهي حبت أخلاقه وشخصيته لدرجة إنها طلبت الزواج منه. تزوجوا، وكانت دايم جنبه بكل خطوة، تدعمه وتثق فيه. رغم إنه صار عنده شغل وعيلة، كان عنده شيء بداخله مختلف. كان يحب يقعد لحاله، بعيد عن الناس، يتأمل السماء والجبال ويفكر بالحياة ومعانيها. كان دايم يروح على مكان اسمه غار حراء، يقعد هناك ساعات طويلة، كأنه يدور على إجابة لشيء محدش غيره كان يفكر فيه. وفي ليلة من الليالي، وهو في الغار، صار معه شيء غيّر حياته وحياة كل اللي حواليه. جاله وحي من السماء، يناديه ويبلغه رسالة عظيمة. كان خايف بالبداية، لكنه عرف إنه اصطفاه رب العالمين ليكون رسول، لينشر النور والهداية بين الناس. هذا الطفل اليتيم اللي عاش حياة مليانة صعوبات وتحديات، صار رسول الله محمد، عليه الصلاة والسلام، اللي نور الدنيا كلها بدينه وتعاليمه، واللي حب الناس كلها وما تعب يوم من إنه يوصل رسالته.
20
3
