منفصلة وحاسة بفراغ كبير وعاوزه اهرب من البيت

Question

السلام عليكم ورحمه الله وبركاته انا منفصلة من خمس سنوات ومعايا اولادى ولد وبنت تؤام فى تانيه ثانوي بس انا حاسه بفراغ كبير جدا فى حياتى وعاوزه اهرب من البيت اكبر وقت ممكن مع انى موظفه بس أهملت فى موضوع الاكل وتنظيف الشقه على الماشى ويكون لسه داخله البيت فى عز الحر وعاوزه أخرج تانى مع أن عيالى الحمد لله مؤدبين وغلابه خالص بس كل واحد منهم قاعد على الموبيل بتاعه ولو اتكلمنا شويه صغيرين وخلاص وانا بدأت اخد علاج نفسي علشان انام واعرف اقعد فى البيت شويه بس المشكلة أما بخده بيتعبنى جدا وبيخلينى مش عارفه والله اروح الشغل اعمل ايه

Avocado_63956 🇪🇬 · Accepted Answer

عايزة تتجوزي اتجوزي انتي محتاجه تقربي لربنا وتقرئي قرآن كتير بس ولو حابة نتجوزي عندي العريس

Banana_71388 🇪🇬 · Answer

حاولي تشغلي وقتك

Cherry_69719 🇮🇳 · Answer

السلام عليكم 
اشغلي نفسك معاهم شطرنج كوتشينة خديهم واخرجي

Kiwi_67739 🇪🇬 · Answer

ده الشيطان الي وصلك لكده عشان انتي بعيده عن ربنا حاولي تسلي نفسك بإنك تتكلمي مع عيالك تخرجو تاخدو رأي بعض فاي مواضيع اشركى عيالك معاكي وبعدين خلي بنتك تساعدك فشغل البيت علميها بردو هيا مبقتش صغيره تشيل معاكي فشغل البيت شويه 
ولو كل ده مش جاي معاكي سكه كلميني يا حبيبت قلبي ونسلي وقت فراغنا سوا 😉

Carrot_71203 🇪🇬 · Answer

ما شاء الله ربنا يبارك فى اولادك ، احرصى على أنك تشغلى وقتك باشياء مفيده وتقربى اكتر من اولادك ، وممكن احساس الإهمال ده ناتج عن انفصالك واكيد انتى محتاجه حد تكملى حياتك معاه

Cherry_71021 🇪🇬 · Answer

اعملي مشروع فالبيت جنب شغلك هايسليكي ويشغلك

Watermelon_63493 🇪🇬 · Answer

اتجوزي

Chilli_48447 🇪🇬 · Answer

انتى محتاجه للى يكون جنبك ومعاكى ويتابع معاكى يومك ويسمعك لان فعلا اولادك كده فى مرحه الشباب وده بيحب ينعزل وينفصل وملوش دعوه بحد خالص

Strawberry_72516 🇪🇬 · Answer

اتجوزى ربنا يرزقك بواحد يبقى الله فيكى ويحافظ عليكى

Apple_52622 🇪🇬 · Answer

تعالي نتكلم

Ice Cream_70537 🇪🇬 · Answer

الفراغ الكبير اللي انتي حاسة بيه دا فراغ عاطفي وهيكبر معاكي أكتر كل ما الاولاد يكبروا وكل واحد يعيش حياته
الجواز هيبقى خطوة مهمة ليكي بس لحد ما تعرفي تعملي الخطوة دي حبي نفسك أكتر وشوفي الحاجات اللي بتعجبك واعمليها والرياضة حاجة كويسة ليكي لو انتظمتى عليها ولو فيه هواية بتحبيها يبقى كويس

Avocado_65325 🇪🇬 · Answer

اول حاجة لازم توقفي المهداءات واوعي تحاولي تتدخلي في أي علاقة من اي نوع في الوقت الحالي ولازم تقربي من ربنا بقلب صافي وأطلبي منه اللي انتي عايزه وثقي في كرمه وعدله

Apple_71705 🇪🇬 · Answer

ساعات الواحد بيحب يفضفض مع اي شخص ميكونش عارفه نهائي اختاري حد فضفضي اللي جواكي علشان نفسيتك تستريح

Avocado_54717 🇪🇬 · Answer

قوليلى اسم العلاج عشان أنا كمان داخل على الباب

Apple_66014 🇪🇬 · Answer

ومن وجهة نظري البسيطه الارتباط بشحص،يملي عليكي حياتك ويعوضك ويكون سند ليكي وده لا عيب ولا حرام  ربنا يعينك ويوفقك