غلطة في المعمل خلت وظيفتي تضيع

Question

نزلت تدريب في  معمل تحاليل مكنش المجال اللي كنت حابه  بس قلت انزل اشتغل لحد ماربنا يكرم بحاجه افضل
كنت ماشي كويس هناك وكنت خلاص شبه هتثبت اخر الشهر
لحد ما انا عملت  غلطة غبية مني اتسببت فان جهاز يعطل لمدة يوم انا عارف انها غلطتي
صاحب المعمل اداني كلمتين بس قلت مش مشكله ده حقه برده لكن الأسوأ انه يقول للي موجود معايا فالمعمل متخلهوش يشتغل فحاجه جوه المعمل ولا يلمس اي جهاز توقعت ده مثلا يوم او يومين وهرجع تاني اشتغل لقيت نفسي داخل فاسبوع رحت سايب المكان وحاليا قاعد فالبيت
كان يقدر يمشيني مكنش عندي مشكلة بس ليه يخليني اكمل واقعد معملش حاجه وميكنش ليا لازمة

Hazelnut_65158 🇪🇬 · Accepted Answer

يا عم الحاج، الدنيا عايزة مرونة شوية، ما تكبّرش المواضيع. وبعدين، أنت لسه في أول طريقك، طبيعي تغلط وتتعلم. يمكن اللي حصل ده كان زي قرصة ودن عشان تتعلم إزاي تتعامل صح مع الأجهزة وتطلع نتايج مظبوطة.
طالما صاحب المعمل اتصرف في حدود الشغل، لو قدرت ترجع وتقوله إنك كنت تعبان ومغبش الفترة اللي فاتت، وتشوف رد فعله إيه، يبقى خير. وبالتوفيق

Hazelnut_64540 🇪🇬 · Answer

علي اساس انو ميقتعش عيشك انتا الي قطعنه بي نفسك 
فاكرين أنهم بيضحكم علي ربنا

Potato_64725 🇪🇬 · Answer

هو مش عاوز يمشيك هو كان بيعرفك انك غلطت بس

Apple_65134 🇪🇬 · Answer

ده كان تدريب مش شغل حتي يعني مكنش بيديني فلوس عشان يعني يستني اننا ازهق وامشي
انا مكنتش عاوز امشي غير لما الاقي حاجه تانية اشتغلها
بس لما لقيت اننا دوري مجرد واحد فالاستقبال باخد الروشته واكتب التحاليل واخد الفلوس وكده واسجل فالدفتر
حسيت اني بقل من نفسي جامد انا متخرجنش من كلية عشان ابقي ده اللي بعمله

Carrot_65133 🇪🇬 · Answer

مش عاوز تتعلم كان لازم تصبر علي اي حاجة عشان الموضوع يعدي وانت اتعلم بعنيك وبالكلام وبعد كده اول ما تشتغل تفهم الوضع بس عادي اشتغل اي حاجة غيرها

Apple_65134 🇪🇬 · Answer

مكنش فيا صبر خلاص ممكن قلة خبرتي بسبب ان دي اول حاجه اجرب استغل فيها خلت معرفش اخد قررات كويسه
بس حقيقي دوري كان اتهمش ومبقاش ليه قيمة
صاحب المعمل لو كان قرر يمشيني كان احسن
بدل مايخليني كل. يوم وانا رايح احس اني فاشل
ببوظ كل حاجه

Carrot_65133 🇪🇬 · Answer

لا يعم متحسبهاش كده انت هتقابل اشكال اوسخ من كده دي اول تحربة نبذة مختصره عن الاشخاص الي بتقابلها في نطاق العمل ولسة هتقابل عقول كتيررر 😄

Carrot_65133 🇪🇬 · Answer

المهم ركز علي هدفك وبس 👌

Orange_64916 🇪🇬 · Answer

هو لو كان عايز يمشيك كان مشاك هو عايزك تتعلم الأول قبل ما تشتغل لان تكلفة تصليح جهاز مش رخيصة وانت غلط انك اتقمصت لان في اي شغل لازم فترة تدريب عشان متغلطش

Apple_65134 🇪🇬 · Answer

الجهاز ده  كنت بشتغل عليه عادي وعملته فيه حالات كتير وكنت بسجل النتايج بتاعتهم
كمان اللي معايا كان بيسيبني اشتغل عليه لانه كان عارف اني خلاص بقيت كويس فيه
بس هي غلطة ساذجه مني من غير قصد اللي علمت المشكلة
صاحب المعمل نفسه فحوار التكلفة ده كان قايل انه الخطأ نفسه كان بسيط ومكلفش كتير
وكان عادي جدا نفس الغلطة تحصل لو كنت بشتغل مش بتدرب حتي