أين يسكنان؟ في حضن الماء أم تحت جناح السماء؟

Chilli_59628 🇪🇬

منذ يومين

شعور غبي

قد يُغرم العصفور بسمكة... لكن الكارثة ليست في الحب، بل في السؤال القاتل: أين يسكنان؟ في حضن الماء، أم تحت جناح السماء؟ هكذا تُولد مآسي العاشقين... حين يخفق القلب لما لا يُطال، فتنتهي الحكاية دوماً بطيرانٍ يائس، أو غرقٍ صامت في بحر الأحزان. فإما أن يُحلّق أحدهم ويترك الآخر، وإما أن يُحاول السباحة خارج قدره، فينكسر... ويموت..

فرق الطبقات بيني وبينها ولسه بحبها

زمان لما كان عندي حوالي 17 سنة كنت قريب اوي من وأحدة قريبتي نفس السن ومش هكدب اني كنت بحبها ومعجب بيها جدا وكنا بنفضل نسهر علي التليفونات سوا لحد ما اختي الكبيرة عرفت وفهمت اني بحبها ساعاتها ادتني قلم عمري مهنساه وقالتلي أن هي مش شبهنا وخلتني ابعد عنها لما كبرت شوية فهمت وفهمت أن في فرق طبقات مبنا انا الحمد لله مش فقير يعتبر فئة متوسطة بس هي من أعلي طبقة ايا يكن اني من ساعتها وانا اي حاجه بتجمعنا مش بعرف أشيل عيني من عليها ولا اني انسي حبي ليها واديني كبرت وبدل الشغل الحمد لله شغال اتنين بس بردو لسة فرق الطبقات موجود ولما بحاول اكلمها تاني نرجع حتي صحاب بحس اني مهمش بالنسبالها رغم الي كان بنا مكنش فترة دول كانو سنين اخر مرة شوفتها كان من 3 ايام ولحد دلوقتي بفتكر ضحكتها ...عرض المزيد

1 الدعم

2 نصيحة

بحب واحد متجوز وقلبي مش عارف ينسى

انا بحب واحد بقالي تلت سنين و مينفعش يكون بيننا علاقة ولا اتوقع منه حاجة لانه متجوز و انا مقدرتش امنع نفسي أحبه و اكتفيت بوجودي حواليه من غير ما اعترفله بحبي ولا استناه يحبني و دايما كنت بفرحله اما احس انه بيعمل حاجات لبيته و بيرضي مراته و يجيبلها هدايا و كنت ادعيله يسعد معاها و كنت مرتاحة لحد السنة اللي فاتت دي قربنا من بعض اوي و العلاقة كانت في اطار اجتماعي طبيعي و محدد مكناش حتى اصدقاء لكن هو كان بيحكيلي اما يتعب او يزعل من حاجة او لو عنده مشاكل حتى لكن عمره ما حكى شيء يخص بيته فا كنت بحترمه اكتر و اكتر وقتها و عارفة ان قربنا مكانش صح بس مكنتش واعية وقتها و مع الوقت قربنا اكتر و بقى يقولي حاجات محدش يعرفها غيري حتى مراته و اخواته ميعرفوش عنها حاجة و بدأت احس ان العلاقة بينه و بين مراته مش كويسة و واضح ان ده من بدري لكن هو كان بيحاول يخليها في اطار اجتماعي شكله حلو عشان ميخربش البيت لكن ده مازال تخميني المهم انه بدأ يلمحلي اني غالية عليه و اني مختلفة عن الكل لكن محاولش ابدا يقول انه حبني لو مشاعره اتحركت ناحيتي و انا محبتي ليه كانت بتزيد اكتر كل شوية احس انه بيهتم او بيخاف عليا رغم أنه كان بيخبي مشاعره و اهتمامه و قلقه لكن انا عارفاه كويس و كنت بلاحظ كل حاجة و هو شخص متدين و محترم جدا و عمره ما لمسني ولا بصلي بصة مش كويسة حتى و انا واعية جدا للمواضيع دي لأني مش برتاح النظرات إلا أنه بدأ يلمحلي انه منجذب ليا جسديا و عايز يكون بينا حاجة جسدية و اول مرة لمحزفيها انا خدت موقف عنيف و بعدت عنه شهرين مقاطعاه و وقتها دخلت في علاقة مع حد تاني و هو عرف و للاسف اكتشفت اني مبحبش الشخص التاني كفاية و اني ظلمته فا نهيت الأمر عشان مزودش جرحه و اعتذرتله عن كل حاجة و اتمنى يسامحني انما اللي بيحبني اكتر من مرة قالها بصراحة و انا يمكن وقتها خفت اخسره فا كنت بسلك الكلام و اعدي المواقف لحد ما فجأة فقت و قلت افرضي ضعفتي بجد قدامه و لقيتي نفسك في موقف متقدريش تتعاملي معاه بعدين وقتها سمعت عنه كلام من شخص انه بيعمل ده كتير و بيستدرج البنات لعلاقة جسدية معاه لكن بصراحة مقدرتش اصدق، هو مش محتاج ده هو جذاب كفاية انه يشاور لأي واحدة تناسبه و هتجيله خصوصا انه مرتاح ماديا جدا و لو هو كان كده فعلا فا كان قدامه الف فرصة يلمسني او ختى يبص لجسمي لكنه كان بيتمنع و بيغض بصره و لو حس لن جسمي باين او لبسي ضيق شوية كان يقترح عليا بصنعة لطافة البس جاكيت او افرد الطرحة على جسمي و هو بطبعه ملتزم دينيا و فاهم في الدين جدا يمكن اكتر من بعض الشيوخ اليومين دول لانه مجال دراسته كتبتله جواب حكيت فيه كل حاجة و اني بحبه و ان اللي بيننا عمره ما وضح بس انا عارفة انه شخص من جواه كويس و مقصدش اذى و عاتبته و حاولت ابعده عن السكة دي و رحت اديتهوله و مشيت و يمكن كنت عنيفة معاه شويتين في جزء من الجواب ده و غالبا جرحته شوية مسمعتش منه رد ولا توقعت و محاولتش اكلمه تاني بعدها و قطعنا مع بعض و كل شيء انتهى لكن انا مازلت بحبه و غصب عني لسه بستوك و ادور على صوره و بشتاقله اوي مش بموت لكن مشتاقة ليه بحس بالذنب اني بحب حد اذاني و اذى نفسه بالطريقة دي لكن المشاعر مفهاش لوم ولا هي زراير نوقفها لسه بيشوف الستوريز بتاعتي و بيتابعني ...عرض المزيد

0 الدعم

11 نصيحة