خلاص شبعت من اني أكون محبوب

Cookies_55563 🇪🇬

منذ يومين

شعور لا مبالٍ

الناس مبتحبش اللي يقولهم الحقيقه اوعى لما تكون فاكر انك هتقول الحقيقه لصاحبك هيحبك، هو عايز البنج بس انا كنت محبوب لفتره طويله فحياتي وشبعت من دا دلوقتي انا قررت اكمل بقيت حياتي مكروه بس بنقذ عدد صغير من الناس على اني اكون محبوب من العامه ف عيش قوي ومكروه مش ضعيف محبوب كدا كدا هيكرهوك لما خيط المصلحه يدوب

خايفة اطمن.. ومش عارفة اثق في الناس تاني

اومل مرة أحس انى خايفة اطمن.. زمان كنت بصدق بصدق كل حاجة وكل الناس لحد ماإكتشفت ان الناس مش بتكدب كدب صريح وبس لا دول بيلعبوا ألعاب نفسية معاك يوصلولك بيها رسايل معينة وبعد كدا ينكروها.. انا حد مبعرفش اعمل كدا ومهما اتعرضت لحاجات زي دى.. اه بقيت دبش الحمد لله 🤓🤓ومش بصدق بسهولة ولكن ساعات بتحتاج تطمن لحد والمشكلة ان انت مش بتحتاج دا من اى حد ممكن تحسه مع حد وحد لا ودا بس اول م مخك يبدأ يشتغل اننا ممكن نطمن هنا بتخاف.. وانا بتكلم عن كل العلاقات الانسانية انا مثلا من سنين كتير معنديش صاحبة قريبة اوى الى هو احكيلها كل حاجة وانا عارفة انها حتهتم وهتتاثر عشانى واحس شعور الصداقة الى هو بجد دا لا وحتى الناس الى موجودة في حياتى لما بحاول احكيلهم بندم لان الموضوع بيتاخد ع انه دردشة..عارف لما تحس انك حد جواه حد تاني محتاج يطمن بس عشان الحد المستخبي جواه دا يعرف يعبر عن نفسه بس فنفس الوقت انت شخص بيتألم جدا لو إتخذل وبيقعد يلوم نفسه الى هو انا قولتلك من الاول خلينا لوحدنا .. انا يمكن كل العلاقات الانسانية مطلعتش منها غير بالالم والمشكلة ان محدش بيحس بالذنب بيكون فيه نوع من المرضى النفسيين مش بيشوفوا نفسهم غلط ابدا ..ومشكلتى انا انى مبعرفش أظهر وجعى مبعرفش احزن كل مرة بيحصلى حاجلة من البلم بفضل متنحة ومش بعرف اتكلم مع حد ممكن افضل قاعظة باصه في اتجاه واحد لساعات او اعمل حاجة يكون فيها مجهود كبير عشان اتهد..عارف لما تخاف من النور خيط رفيع من نور بيدخلك من شباك اوضتك بيحسسك ان لسه فيه امل فانت تقفل الشباك وتضلم الاوضة عشان انت اتعودت على نهاية واحدة بتتكرر كل مرة فبتفضل تكون لوحدك لا زعلان ولا فرحان بس على الاقل مش خايف معندكش حاجة تخسرها.. ...عرض المزيد

0 الدعم

8 نصيحة

خلاص مش هعطي قلبي لحد تاني

وصلت لمرحلة قررت فيها ما أحبش حد ولا أدي قلبي لأي بني آدم. مش عشان قسوة، لكن لأني اتعلمت إن التعلّق الزايد بيوجع، وإن انتظار المقابل بيكسّر. من دلوقتي عايز أعيش أبسط… أعمل المعروف وأمشي، أقدّم الخير لوجه الله، وأخلّي حساباتي مع ربنا مش مع الناس. اللي خلاني أوصل لكده إني اكتشفت إن فيه ناس مهما عملت عمرك ما هتكون كامل في نظرهم. زي شغل شايفينه مش عاجبهم، أو حب لواحدة عمرها ما هتكون ليك… لأنها مش مستعدة تكون جنبك ساعة الزراعة، ساعة التعب والبداية. ومن هنا فهمت حكمة عظيمة: "اللي مش هيبقى معاك وقت الزراعة… ما يستاهلش يكون معاك وقت الحصاد." أنا مش ضد الحب ولا العلاقات، لكن ضد إني أعلّق حياتي على وجود أو غياب أشخاص مش شايفين قيمتي. اللي يختفي وقت ضعفك ما يستحقش يفرح معاك وقت قوتك. ولو هتكلم عن نفسي، فأنا بطبعي حساس زيادة عن اللزوم، بخاف أزعل حد حتى لو على حساب نفسي. قلبي طيب وبسامح بسرعة، ورومانسي لدرجة إني ممكن أعيش في الخيال أكتر من الواقع. بدي وبساعد من غير ما أستنى مقابل، وبرغم ده ساعات بكون غامض وصعب حد يفهمني.وساعات بكون بارد في رد فعلي وافتكر ليه ما اتصرفتش التصرف الفلاني يمكن دي نقطة ضعفي، ويمكن دي نقطة قوتي، بس في الآخر ده أنا. أنا بدي الخير وبمشي، من غير ما أستنى لا شكر ولا مقابل. وبسلم أمري لربنا، وأدعوه يرزقني بناس من النوع اللي يفهم قيمة المجهود قبل النتيجة، واللي يكونوا سند وقت الزرع قبل ما يفرحوا بالحصاد. ...عرض المزيد

0 الدعم

1 نصيحة

علاقاتك بتيجي update.. وده شيئ كويس!

بمزاجك او غصب عنك بيتعمل update للناس اللي حواليك خصوصا اصحابك.. مفيش حاجة اسمها اصدقاء العمر ولا الكلام ده ..كل فترة الناس دي بتتفلتر.. ناس قريبين بيبعدوا وناس بعاد بيقربوا ..ناس مزيفين بيتكشفوا ..وناس انت مكنتش شايف جوهرهم بيظهروا ..ناس كانت تعرفك لظروف او فراغ ولما المياه رجعت لمجاريها مع غيرك ..بعدوا ..ناس اخرهم قعدة ..وناس كبيرهم كلمتين كل فترة ..الحقيقة لازم تكون سعيد بال update ده جدا . لانك مهما خدعت نفسك والتمست اعذار لناس هييجي يوم يقعوا منك ..وانسي موضوع الانتيم واصدقاء العمر وبص حواليك شوف مين اللي باقي معاك بجد ومبيتغيرش ..وشوف مين اللي ال update خلاه ولا حاجة في حياتك ..وابعد عن المصطلحات الكبيرة في علاقاتك وحط كل واحد في اطاره من تحديث العلاقات وانت ساكت .وبس ...عرض المزيد

11 الدعم

1 نصيحة