عندي حاجه لاحظتها من فتره… مشكله، بس أنا مبقتش حتى أشوفها مشكله. حصل مشاكل كتير وأنا صغير، حاجات ملهاش اسم، حاجات تقلب بني آدم وتدمره. أنا اتكوّنت من الفوضى… ومع الوقت، بدأت أحس إني فقدت جزء مني… أو يمكن كله. مشاعري؟ مكنتش موجودة من الأساس، أو ماتت بدري. بحب؟ لا. بتعاطف؟ مستحيل. أنا مرتبط؟ آه. بحبها؟ لأ. حاسس بيها؟ لأ. مكنتش مُجبر، بس برضو مفيش إحساس. اللي جوايا غريب… بحب نفسي؟ أكتر من اللازم. بخاف؟ عمري ما خفت. فيه حاجات الناس بتتردد تعملها… أنا ممكن أعملها من غير رمشه عين. مش بتكلم عن شقاوة، أنا بتكلم عن غلط صريح… بس عادي. لو عملت حاجه الكل يندهش ليها، متستغربش… أنا فعلًا قادر أعمل "أي حاجه". ومش بس كده… أنا ممكن أذي أي حد، بكل الطرق، من غير ما يرف لي جفن… من غير ما أتأثر دقيقه. بستغل ناس كتير في حياتي، بشكل واعي جداً… كل واحد بالنسبالي وسيلة، مش أكتر. ومتستغربوش من اللي بقوله… دي مش مبالغه، دي حقيقه. بكتب ده دلوقتي لأني همسح البرنامج… وحبيت أتكلم عن نفسي زي ما أنا، من غير تزييف.

5

4