علاقة حلوة بس حرام.. قررت أبعد باحترام

Avocado_21982 🇪🇬

منذ سنة واحدة

شعور فخور

موضوع:

اي السبب اللي خلاكم تقطعوا علاقتكم مع شخص كان قريب من قلبك؟

عشان حرام مع انها كانت علاقة مستقرة وجميلة جدا ومبسوطين مع بعض وعايزين نكمل حياتنا سوى وحبنا كان بيزيد يوم بعد يوم لكن انا كنت متردد عشان عارف ان ده حرام بس اترددت اخد قرار وابعد لكن خدت القرار وعرفت الطرف الاخر وبعدنا بتفاهم وبكل حب واحترام ويارب يجمعنا ببعض لو خير لينا

هل الولد ده بيحبني بجد ولا بيتسلى؟

دلوقت انا معجبه بولد والولد ده كان بيظهرلي علامات حب زي انه بيبص عليا كتير ولما عينا تيجي في عين بعض بتبقى نظراته ليا مختلفة و عينه بتوسع و قبل كده شفته قاعد يتأملني بأبتسامة و وكان بيبص عليا وهو بيبتسم قبل كده مع العلم انه مفيش كلام بين الولاد والبنات خالص في الجامعة عندنا و انا الوحيدة اللي بيعمل معاها كده بس في حاجة هو بينشر على استوري الفيس بتاعه اغاني متخزوقين كتير نفس اللي كان بينشرها من سنتين و من اسبوع كان بيبصلي بابتسامة وانا مبعدتش عيني زي المرة اللي قبلها بعدها بيوم نشر استوري بيقول فيه بالمعنى يا ترى النهاية هتكون ازاي هو دلوقت اتطور بقى بدل ما هو زعلان وفاقد الامل بقى عنده امل شوية 😂 و بعدها بيوم نشر استوري بيقول فيه الجزء بتاع in the end it's him and i و هو بيغيب كتير فعلا وهو لو معجب بجد كان استغل كل لحظة عشان يشوفني زي ما انا بعمل حتى لو كان في احتمال اني يجي على الفاضي وميلاقينيش وهو مؤخرا مختفي خالص عن الجامعة فهل هو كده بيحبني ولا لا ولو بيحبني فهل هو جدي في الموضوع ولا هو عايز يتسلى بس مع العلم اني مش عايزة علاقة حرام انا عارفة ان اللي بيحصل بينا حرام لاكن انا مش عايزة اوصلا لحرام اكبر من كده ونفسي يهتم بجد احنا في الكلام ده اديلنا شهر ونص انا مكنتش شفته قبلها بجد انا تايهة اوي ...عرض المزيد

7 الدعم

2 نصيحة

مش عارفه أعمل إيه في علاقة حرام وبتعذبني نفسيًا

عايزه اتكلم في موضوع و حد يسمعني و يحاول يقول حلول معقوله من وجهه نظر نفسيتي و يقدرها مش من وجهه نظر العقل دلوقتي انا في سنه تأنيه كلية و الكليه بتاعتي كليه طبية خمس سنين و سنه امتياز اي ان كان اللي حصل بس اللي أنا فيه دلوقتي ان زميلي في الكلية بيحبني و أنا اول ما ده حصل بدون اي تردد بلغت والدتي لأني مش بخبي عليها اي حاجة حتي العطسة اللي بعطسها في الجامعة بحكي لوالدتي عليها المهم ان بعد ما ده حصل بكام شهر عرفت ان ده حرام و انه غلط و لازم ابعد و بلغته بقراري ده و كان علي استعداد انه يجي يخطبني و يكلم اهلي عادي بس الفكره ان والدتي شايفه اني مينفعش اتخطب بدري اوي كده خصوصا اني مش هتجوز غير بعد ما اخلص الكلية و الخطوبه كده هتبقي طويلة ده غير انه بيشتغل جنب دراسته و عنده دخل مش قليل الحمدلله و عنده شقه بس لسه علي الطوب الأحمر و هو علي استعداد في اي وقت انه يكلم اهلي و ماما عارفه كل حاجة بينا بعد ما بلغته بقراري اننا هنبعد عشان حرام و ربنا يجمعنا ببعض علي خير ده حصل فعلا لمده شهرين بس بحكم تعاملنا في الكلية وسط الناس و وسط اصحابنا و كده رجعنا نتعامل مع بعض و نتكلم تاني وانا رجعت اني جوايا صراعات عكس بعض كتير اوي و مش عارفه اعمل ايه و مش ببرر غلطي والله بالعكس بس حقيقي أنا مش عارفه اعمل ايه و الموضوع نفسيًا تعبني و حقيقي دماغي مش بتهدي من التفكير عايزه نصيحة و هو شخص محترم و من عيلة كويسه و هو فعلا بيحبني و شاريني و شاطر في دراسته و قد المسئولية و قد مسئولية شغله كمان و معتمد علي نفسه حد يقترح عليا اعمل ايه عشان انهي الصراعات اللي جوايا دي ...عرض المزيد

11 الدعم

7 نصيحة

عاوز أكلمها بس العلاقة حرام.. أعمل إيه؟

السلام عليكم ورحمه الله وبركاته أنا كنت مع علاقة ببنت وهي متدينة جدا عدة فترة واحنا كنا بنحب بعض جدا بس جت في يوم وقالت نبعد لأن العلاقات دي حرام ولازم تبقا في الحلال وعدتني أنها هتستناني وفعلا اتقدملها كذا حد ورفضت بس انا حاليا مش يكلمها ودا مخليتي ديما بفكر عاوز اكلمها وعاوز حل ابطل افكر فيها لغاية ما اكون جاهز أن اخطبها رسمي ...عرض المزيد

7 الدعم

3 نصيحة