Blueberry_64034 🇪🇬
منذ يومين
.
شعور ضائع
حاسة اني متناقضة اوي عاوزة كل حاجة و عكسها بقول للى حواليا اني مش عاوزة ارتباط او جواز بس مرعوبة اموت لوحدي و ببقا عاوزة احكي و افضفض مع حد يفهمني بس برجع اقول لا اكيد هيحصل اختلاف و نخسر بعض فبلاش من اولها بقول مستحيل ارجع للاكس بس بيوحشوني 🤦🏻♀️ و نفس الوقت عمري ما هاقبل بيه تاني فى حياتي 🌚 رغم كل الحاجات الحلوة اللى. كانت بيننا كان فيه وجع اكبر بكتير و حاجات صعب اسامح فيها و يمكن مخلياني مش عاوزة اى علاقات من اساسه بس اما بتكلم عن اللى جوايا بقول مش هعرف اتجوز غيره عشان ماتخيلتش انى احب حد غيره مش بييجي فى بالي حد غيره اما بفكر فى فرح و بيت و اسرة فبالتالى مش عاوزة اتجوز حد عشان لا هو ولا غيره 🤦🏻♀️ بس برضو بكون مبسوطة لو حد بيحاول يتقرب لي لكن مرة واحدة بخاف و بتوتر و بحس ان هيحصل تاني نفس الوجع و هافقد شعوري المؤقت ده بالفرحة فبقرر اني انهي انا الحوار و ابعد و اعمل بلوكات من كل حاجة 🤦🏻♀️ بقول مش عاوزة اشتغل بس نفسي ارجع انزل شغل تاني و الله بس مش عاوزة مشاكل مع بني ادمين بيجيبوا فل سير الناس و يخوضوا فى اعراض و اما ابعد عنهم او اقولهم انى رافضة ده يتكلموا عني زي ما بيتكلموا عن غيري بس اللى بيقولولى انزلى شغل بقولهم مالكوش دعوة عشان ماحدش فاهم رفضي للموضوع جاي من ايه و نفس الوقت مليت اوضح مشاكلى مع الحوار ده برضو نفسي يكون عندي اصحاب بيسألوا عني و بيحبواني بس مافيش اى صاحبة حسيتها قريبة انا اللى بقرب من غيري و مؤخرا مابقتش اقرب من حد و بقيت لوحدي تماما عشان يا بياخدوا اهتمام يا يختفوا و انا طاقتى اني اهتم بغيري بدون ماالاقى بربع جنيه مقابل خلصت 😓 نفسي جدااا انقل من السكن بس مرعوبة اني هاسيب ذكرياتي مع اهلى و صحابي و المنطقة اللى فيها من يوم ما وعيت عالدنيا بس حقيقي المكان اذيني نفسياً جدااا مش عارفة اعيش هنا من بعد وفاة بابا و من بعد ما فسخت خطوبتي بفضل افتكر كل لحظة معاهم و بحس كأن البيت بيضيق عليا و هتخنق و اموت 😓 مابقتش فاهمة اى سبب ده بس فاهمة جدااا انا عاوزة ايه و رافضة ايه .. مش عارفه اذا حد هيفهم اللى بقوله ولا لا 🤦🏻♀️ بس بجد مابقتش فاهمة آخرة التشتت ده ايه و ليه او ازاى اكون عاوزة كل حاجه و عكسها كدة ؟!
4
15
