طول الوقت سرحان طول الوقت حاسس اني في عالم موازي ممكن ابقي قاعد بتكلم مع حد انا ولا واعي لكلامي ولا كلامه بس برد وبتكلم عادي بعدين افوق وهو بيسأاني عن حاجه من اللي بنتكلم فيها ف مبقاش عارف ارد ف اقوله عيد كلامك تاني الموضوع دا معايا من وانا صغير بس لما كبرت اكتشفت انو بقي بيأثر عليا في حياتي كلها بسرح من اقل كلمة ممكن ابقي بتكلم مع حد عادي يقول كلمه عاديه بس زي ما يكون دخلت في عالم تاني مع الكلمة دي وتخيلت قصص وحاجات وعملت سيناريوهات كان بيأثر عليا كدا وقت المذاكرة في الكلية وانا بتفرج علي كورس اونلاين او لو دكتور قدامي وبيشرح بدأت اكتب كل كلمة بتتقال بقيت بعد ما بخلص مش فاكر ولا كلمة من اللي كتبتها ولا عارف كتبتها امتي ولا ازي خلصت كلية الموضوع بقي مأثر عليا في حياتي العملية مش مركز في اي كلمة بتتقال ممكن حد يشرحلي حاجه في الشغل يقولها من هنا انا في ساعتها نسيت كل كلمة قالها ممكن عميل يكلمني يبقي لسه قايل اسمه ويدوب نتكلم في حاجه انسي كان اسمه ايه الموضوع مأثر في كل حاجة مهما شرحت مواقف مش هخلص معرفش دا من ايه وايه السبب وهل دا قلة تركيز ولا ايه ومعرفش ايه العلاج

3

1