كان عنده تسع سنين بس كان عايش زي الناس الكبار مش علشان ناضج علشان ماكنش عنده طفولة أصلا أمه كانت بتتضرب قصاد عينه كل يوم من راجل المفروض اسمه أبوه بس لا في حنية أب ولا حتى رحمة بني آدم كان بيتعامل معاهم كأنهم مش بشر كل ده علشان مش معاه فلوس علشان يروح يشتري مخ.درات الولد ده كان كل يوم بيصحى على صرخة وبينام على صوت كسر ويسيب سريره بالليل علشان ينام قدام باب أوضتها خايف يدخل يلاقيها سايبة الدنيا ومشيت كان بيروح المدرسة وهو حافي هدومه عليها بقع دم ووشه متغطي بكدمة ولما المدرس سأله إيه اللي حصل قاله وقعت من فوق سريري جاله يوم دخل فيه البيت لقى أمه نايمة على الأرض مش بتتحرك والراجل اللي اسمه أبوه واقف ساكت كأن اللي حصل ده عادي الولد جري صوت قلبه كان بيصرخ بس لسانه ماطلعش صوت هرب هرب من كل حاجة هرب من العالم هرب من اسمه هرب من نفسه دلوقتي هو في دار رعاية ماحدش يعرف حكايته وهو نفسه نسي تفاصيلها بس كل ليلة بيحط راسه على المخدة ويهمس أنا آسف يا ماما أنا كنت صغير قوي بس أنا كنت شايف كل حاجة هو مش محتاج شفقة هو محتاج حضن حضن يصدق إن الطفل ده لسه جواه حتة بتنادي يا ريتني كنت طفل بجد 💔(ملحوظة البوست ده مش قصة حصلتلي بجد أنا بكتب قصص لناس بتبعتلي قصصهم وأنا بكتبها هنا مع الحفاظ على الخصوصية وعدم ذكر أسماء)

1

2