طالب أسنان تايه ومش عارف استغل وقت الدراسة

Question

طالب أسنان وتايه جدا مش عارف المفروض  استغل فترة دراستي ازاي قبل التخرج

Apple_16266 🇪🇬 · Answer

اهدا خالص وحدد اولوياتك وبلاش تضغط نفسك وشوف انت عاوز تطلع بايه م الكلية وعاوز تعمل ايه، يعني مثلا عاوز تجيب تقدير حلو عشان تتعين معيد ف الجامعة ولا طموحك تسافر برة وحدد اولوياتك عشان متضغطش نفسك ع الفاضي

Strawberry_16271 🇪🇬 · Answer

فكرة اني اتعين بعيده جدا لان المجاميع في كليتنا كبيره وبياخدوا اعداد قليله فللأسف لغيتها..
والسفر دا توفيق، لو لقيت فرصه مش هرفض

بس لو ناوي افتح عياده عامة يعني المفروض اعمل ايه واركز على ايه

Apple_16266 🇪🇬 · Answer

بص انت ف سنة كام مبدئيا عشان اقدر اساعدك؟

Strawberry_16271 🇪🇬 · Answer

تالته

Apple_16266 🇪🇬 · Answer

طب لسة بدري خد كل خطوة بخطوة وحاول تركز ف مذاكرتك حاليا وتجيب احسن تقدير تقدر عليه حتى لو مش هتتعين عادي، وبعد ما تخلص تقدر بقا تشوف الفرص المتاحة معاك سواء انك تسافر او انك لو عندك امكانية تفتح عيادة او تشتغل مع دكتور تتعلم منه الاول، اما الوقت ركز ف المذاكرة

Strawberry_16271 🇪🇬 · Answer

مش عارف،. ناس كتير في سني وبلاقي عندهم معلومات كتير عني ومتطلعين ومنهم الي نزل واتدرب في عيادات
حاسس اني متأخر جامد 😂

Apple_16266 🇪🇬 · Answer

بص انا فبشري بس اسمع ان بتوع اسنان بيبدأوا ينزلوا يتدربوا فتالتة او رابعة عشان ياخدوا شوية خبرة ومعلومات مش اكتر يعني، فممكن تجرب تنزل مع دكاترة واهو تتعلم شوية لكن انت مش ناقصك معلومات مهمة عن غيرك ولا حاجة دي مجرد فرعيات مش اساسيات

Strawberry_16271 🇪🇬 · Answer

فاهمك
معظم زمايلي قالوا لي استنى وما انزلش عيادات غير بعد تالته..
الفكره لني مش قادر احدد لنفسي أولويات..
مش عارف مثلا احدد مجال معين امشي فيه بعد كده ولا عارف اركز عي النظري اكتر ولا العملي اكتر
مش عارف دا عادي ولا ايه

Apple_16266 🇪🇬 · Answer

يعم تفكيرك الكتير ده واحساسك انك متوتر هيوترك زيادة، صدقني ركز حاليا ف الدراسة وانك تجيب مجموع وبس، انا ومعظم زمايلي بنذاكر ونركز اننا نجيب مجموع واحنا منعرفش احنا هنتعين ولا هنسافر ولا ايه بس عشان يبقا ف المستقبل عندنا كل اليدايل