صوالح ليك عندو وصلتي لمرحلة الشباب

Question

سلام عليكم ليكيب لعزاز نشالله تكونو بخير .

كاين بعض الاوقات وين لانسان يحس روحو عاجز او غير قادر على ممارسة حياتو بشكل طبيعي وهذا شي يؤدي بعض ناس الى اتخاذ قرارات خاطئة او افعال متهورة تأثر من بعد بشكل سلبي على حياتو او حتى على علاقتو لاجتماعية .

اول حجى لي لازم يكون عليها لانسان عند وصوله لمرحلة المراهقة ( الشباب) هي انو يعرض كفاه يضبط نفسو بقواعد ذاتية يديرها مع روحو من خلال كامل تجارب لي عاشهم في حياتو وحتى لكلام لي سمعو ويعاود لحساب مع روحو ويشوف اسك رايح يخرج بيها طريق هادي او لا .

يعني قد ماتكون منضبط مع روحك راح تساهلك الحياة وتعرف كفاه تتعامل مع مشاكلك وتلقالها الحل بطريقة لي نتا خيرتها . اما بخصوص اتخاذ القرارات عندي زوج صوالح نقولهملكم .

ماتعطيش وعود وانت فرحان بسك تندم مع للخر  وماتسمع لحتى واحد وانت حزين بسك يقدرو يأثرو فيك وانت منكسر (حاشا ادا عطاك نصيحة صح تفيدك )

وشكرا .

Pumpkin_80167 🇩🇿 · Answer

فقدان الشغف مالدنيا خلاني نحس بالعجز باش نعيش حياتي

Banana_80133 🇩🇿 · Answer

﴿ قُل لَّن يُصِيبَنَا إِلَّا مَا كَتَبَ اللَّهُ لَنَا هُوَ مَوْلَانَا وَعَلَى اللَّهِ فَلْيَتَوَكَّلِ الْمُؤْمِنُونَ ﴾
سورة التوبة:لأية 51
ياخو خليك دايمن على علم بأن الله معك وخلي إيمانك قوي ولي فيها خير يجيبها ربي ويسهلها نتا لي عليك انك تسعى بلخير وللخير ونيتك تكون صافية ومع مرور الوقت تشوف النتيجة لي ترضيك وتخليك تفرح وتنسى كامل لاحزان لي جازو عليك .

Pumpkin_80346 🇩🇿 · Answer

So real