صراع بين الزواج ومسئولية أمي المتوفي أبويا

Question

انا حاسة بضغط
انا عايشة انا وماما واخويا وبابا متوفي
اخويا هيتجوز كمان أسبوعين وللأسف اخويا انا عارفة انه مش ضامنة انه هيخلي باله من امي لان متجوز في شقة بعيدة شوية

انا مش عارفة لو انا اتجوزت امي هتعيش ازاي لوحدها؟
خصوصا انها من النوع ال مش بيتحرك ولو نزلت الشارع تتوه
انا في صراع بين اني اتجوز او اسافر واعيش حياتي وبين امي ال مش عارفة هتعيش ازاي لوحدها؟

اخويا خطيبته مش عايزه تيجي  لأمي وقالت لاخويا واتخانقوا بسبب الموضوع دا بس في الاخر رجعلها

انا عندي 26 سنة ومن جوايا نفسي في حاجات كتير جدااااا جداا نفسي اتجوز او اسافر.. بس قلبي مش مطاوعني 💔

انا عارفة ان ربنا هيدبرها بس مش عارفة ازاي
خايفة اوي من الجاي وخايفة من انها تبتات لوحدها هيا بجد بتخاف جدا وفي الشتا بتخاف اوي اوي
انا زعلانه بجد وحزينه

Avocado_75894 🇪🇬 · Accepted Answer

طيب تفتكرى ربنا مستنى حضرتك ربك علام الغيوب وبينزل كل شئ بقدر و مما لا شك فيه ده اختبار من ربنا ليكم انتو الاتنين

Potato_74080 🇪🇬 · Answer

ربنا يدبرلك حياتك
والله انتى عندك احساس

Apple_71528 🇪🇬 · Answer

اتجوزى معاها فى شقتها وخلى بالك منها ينفع

Banana_69853 🇪🇬 · Answer

حرام عليكم بجد استخسرت فيكم اي دي 
و اخوكي سمع كلام خطيبته يديني ع الناس 
هقولك حاجه دي امكم اللي عمر ما الايام هتعوضكم ربع حنانها و اخوكي ربنا مش هيكرمه

Mango_74000 🇪🇬 · Answer

اتجوزي وخديها تعيش معاكي او انت اسكني معاها او اسكني جنبها او خديها تسكن في مكان جنبك 
ولما حد يتقدملك قوليله ان امي ملهاش غيري ومش هقدر اسيبها لوحدها وان شاء الله هتلاقوا حل

French Fries_75962 🇪🇬 · Answer

ادعي ربنا

Banana_71635 🇪🇬 · Answer

انتى منين يا مارش

Marshmallow_58489 🇪🇬 · Answer

انا ماسيبتهاش.. انا بقول نفسي؟
الأمنيات حاجة والافعال حاجة

Popcorn_76069 🇪🇬 · Answer

خلي عندك امل في ربنا وما حدش عارف بكره في ايه والله اعلم ممكن تحققي كل اللي نفسك فيه ووالدتك تكون معاكي برده في نفس الاحلام مش شرط ان لازم عشان تحققي احلامك انك تكوني لوحدك ممكن تكون هي معاكي