دايما في جوايا صراع ما بين اني اكون انسان كويس و محترم و ما بين شهواتي. و للأسف اللي بيكسب دايما على مر السنين هو شهواتي. بدأت احس اني عمري ما هاقدر اغلب شيطاني ده. على الرغم من اني في اواخر التلاتينات و أبان قدام الناس الراجل المحترم بس من جوايا عمري ما حسيت كده انا كنت عامل حساب فيس بوك fake و كمان تويتر و انستا. عملت كده ليه؟ عشان اتعامل هناك بشخصيتي اللي ماينفعش تطلع قدام قرايبي و أهلي و صحابي. كنت بحب اسيطر على البنت في كل حاجة تيجي على بالي، و كل ما الاقيهم مبسوطين اكتر يزيد غروري و ثقتي بنفسي. من فترة بعد حوارات غزة حسيت اني لازم احترم نفسي و أقرب اكتر من ربنا، مسحت كل حساباتي دي مع ان كان فيها صديقات من سنين طويلة. بس للأسف ماقدرتش اكمل و رجعت عملت حسابات تانية و الموضوع بقى اسخن من الأول.

0

8