سلام عليكم عندي صديقة براجع معاها الدروس بتاعتي وهي موافقة وعارفة اني بمر بفترة فيها ضغط نفسي كبير عليا في الأول حبيت الطف الجو بينا وخصوصا انها صاحبتي لاحظت انها بترفض الكلام الخارجي احترمت رغبتها وبقت الكلام يدوب ازيك عاملة ايه يلا بينا نبدأ بعدها ابتدت تتخلف عن الميعاد من غير ما تدي سبب أو تخبرني قبلها ولما كنت اسألها كانت تقولي نسيت كنت مشغولة كنت بشتري حاجات من السوق وملحقتش الميعاد كنت بعذرها واقول كفاية انها بتساعدني وعندها بيت واولاد مع الوقت حسيت حماسي للمذاكرة قل جدا وجات فترة مكنتش حرفيا قادرة اراجع الدروس فكنت اعتذر عشان اجدد نشاطي وارجع اذاكر واعوض اللي الغياب لقيتها مش حاباني ازود في كمية المراجعة قولت حقها برضه وبقيت لما اغيب معوضش اللي فاتني لاحظت انها لو غبت مرة هي تغيب اللي بعدها علطول ابتديت احس انه مش طبيعي اللي بيحصل وانا مش لاقيه اسباب لتصرفها حتى لو تسيب عذر كنت ارسى على بر بس وصلتني أنه حتى الاعتذار كبير عليا وكأن عادي متلتزمش بالميعاد لقيت نفسي بقولها أنا محتاجة أجازة لأن الفترة دي مضغوطة فلو تحبي بلاش نسترجع دروس الفترة دي الحقيقة رسالتي كانت طويلة وحاولت اكتبها بشكل لائق قد الإمكان ردها كان كده وعليكم السلام الحمد الله بخير ماشي زي ما تحبي بصراحة حسيت اني كنت تقيلة عليها الفترة اللي فاتت ولنا صدقت خلصت مني وقولت أنا مش هرجع اكلمها تاني انتو ايه رأيكم

5

5