جوزي قبل ما اتجوز كان مفهمني ان مامته بتحبني زي بنتها و مفيش حاجة مضايقاها مني. اكتشفت بعد الجواز ان مامته كانت بتغلط فيا انا و مامتي و بتقوله كمان ان هي بس متقبلة العيلة دي علشانه. انا في صدمة علشان مكنتش متخيله انه يخبي عليا كل ده و كمان يبقي زعلان لو انا كنت برفض اتعامل معاها علشان هي بجد طريقتها صعبة. حاسة انه خد عني قرار لمجرد اني اتعامل معاها بالعافية و العذر بتاعه علشان الدنيا تبقي كويسة ما بينا كلنا. ده غير انه في حالة دفاع دائم عنها و مش بيقولي حتي ان هي فعلا غلطت في حقي، دايما بيقول "هي مش قاصدها" مع انه مكنش بالطريقة دي في الاول. و في حاجات تانية هي عاملتها مع مامتي وجها لوجه و اما واجهتها و قولت اهو نحاول نصفي اي حاجة بعد اللي انا شوفته و ماوجهتهاش بيه لحد دلوقتي، حلفت بالله انها معملتش حاجة و قالت ان مامتي هي العملت. فانا دلوقتي مش عارفة اعمل ايه، جوزي اعترفلي انه كان غلطان في طريقة التعامل دي معايا بس انا حاسة ان الدنيا مش ماشية و كمان مكملناش ٣ شهور علي كل ده. مش عارفة اكمل ولا اعمل ايه.

2

9