صحبتي بتكلم ولاد ومش بتسمع كلامي ❤️‍🩹

Sugar_31740 🇪🇬

منذ 11 شهرًا

شعور محبط

بصو انا عندي واحده صحبتي هي زي اختي بظبط وهي اكبر مني بسنتين واهلي واهله كويسين جداً مع بعض هي صحبتي من عشر سنين وهي بتكلم ولاد كتير وانا كذا مره اقولهااا بلاش وهي مش بتسمع منيي حاجه وبتكمل ف ال هي في ف ابطل انصحه واسبهاا في ال هي في ولا اكمل وافضل اقولهاا بلاش دا حته من كتر م انا بقولهاا بلاش بطلت تحكلي هي بتكلم مين وبتخبي مني الفون وكل دا وانا مش هاين عليا اسبه اعمل اي ❤️‍🩹

زميلي في الجامعة بيطنش عليا وعايزة انساه

انا معايا واحد زميلي في الجامعه كل يوم كان بيسئل عليا ومفيش يوم يعدي مايطمنش عليا ف دلوقتي ممكن يقعد كذا يوم مايسألش ومطنش وانا مدايقه جدا الفكره انا مش عايزاه يسئل او انا اسئل الفكره اني عايزه ابعد وانساه اصلا اعمل اي ...عرض المزيد

4 الدعم

4 نصيحة

خلاص مش قادرة مع صحبتي بسبب كلام جارح

يا جماعه عايزه احكي حاجه هطق لو ما حكيتهاش انا كنت متخانقة مع واحدة صحبتي لسبب هو يبان تافه بس بالنسبالي له أبعاد عميقة المهم عشان مطولش هي كانت منزلة استوري عن ان يعني التحكيم في مصر وحش وكده عشان فريقها متحسبتلوش بالنتي ف أنا قلتلها انه دي حاجة عادية وفي حالات تحكيمية بتحصل في كل حتة في العالم وانه متكبرش الموضوع ف هي قالتلي هو الكلام جه ع الجرح ولا اي والمهم بعدها اتكلمنا كتير ف قالتلي ان هي مكنتش تقصد النادي اللي انا بشجعه وان انا الي غلطانة يعني ف أنا قلتلها اومال كان قصدك ايه بجملة الكلام جه ع الجرح قعدت تتهرب مني وتقولي مش فاضية ارد عليكي و شوية كلام كده ف قلتلها مش فاضية ولا مش عارفة تردي قالتلي لا عارفه انا بس بعاملك علي قد فهمك ورديت عليها و خلص اللكلام علي كده وطبعا أسلوبها كان وحش أوي ده غير آخر جملة قالتها وكل مرة كنا بنتخانق علي سبب تافه كانت بتتعامل وحش وانا لإني بعاملها علي انها صاحبة عزيزة عليا كنت بعدي وبسامح بس المرادي مش قادرة عارفة ان انا بكتب تفاصيل كتير بس عشان تبقو فاهمين كويس وآسفة لو كتبت كتير ...عرض المزيد

4 الدعم

10 نصيحة

زعلانة من صحبتي اللي مهنتنيش بعيد ميلادي

احنا صحاب مدرسه من واحنا صغيرين صحبتى السنه دى مهنتنيش بعيد ميلاد رغم أنها عارفه و شافت البوست و مقاليتش حاجه ولا اى كلام و بعدها ب اسبوع كنت بكلم واحده صحبتى تانيه من مدرسه برضو أصحاب شله يعنى ف بتقولى أنها صحبتى الاولى دى هتعزمنا ف رمضان ( هى كانت قايلالى يعنى نتجمع يوم عندها ف رمضان و كدا بس يعنى ) المهم و صحبتى التانيه كملت كلامها و بتقولى أنها هتعمل لينا مفاجأة يعنى و نحتفل فى بيتها بعيد ميلادى انا و هى و صاحبتى التانيه انا ف شهر 2 و هما ف النص التانى من شهر 3 تمام ف لما جت ساعة العزومه و بتقول نتجمع عندها مردتش عليهم ف صحبتى التانيه قولتلها تعرفها انى زعلانه عشان مهنتنيش بيوم ميلادى و كدا و اروح لها ازاى و انا زعلانه ف قولتلها تقولها انى بس زعلانه مش اكتر و مش هروح عشان كدا و انا ف الجروب قولتلها انى out و كدا مش هاجى يعنى و اتحججت بالشغل و كدا و عيد ميلادها جه دلوقتى و بعتلها كل سنه و هى طيبه فقط و مردتش عليا و لحد دلوقتى مفكرتش أنها تكلمنى تصالحنى او عشان مزعلش منها و كدا ف دا اى دا بقى رغم أنها عشرة عمر و الأقرب ليا ...عرض المزيد

9 الدعم

5 نصيحة