دلوقتى يا جماعة انا كنت مقدمة على وظيفة موظفة استقبال و مسؤلة إدارية ف شركة و اتقبلت و اشتغلت الكلام ده من شهر 10 اللى فات و لكن من أول ما بدأت شغل لقيتهم مشغلنى شغل سكرتارية استلامات ملفات و شيكات و ساعات تسليم + طبعا شغل الاستقبال و الإدارة و مأكدين عليا من اول ما اشتغلت ان شغل الاستلام ده اهم حاجة و انا علشان كنت محتاجة الشغل عشان عندى التزامات وافقت و متكلمتش دلوقتى انا التزاماتى زادت و الموصلات و كده و العقد المفروض يتجدد فى شهر 10 مع العلم انه لو فيه زيادة هتبقى حاجة عبيطة و انا اصلا مقدمة استقبال مش سكرتارية مع العلم بردو ان مرتب سكرتارية بيكون اضعاف مرتبى و هنا مفيش سكرتارية يعنى انا شغالة سكرتارية و استقبال و ادارة بمرتب وظيفة واحدة هل ده طبيعى؟؟

3

11