اهلا لي فترة مو بسيطة يجيني هالشعور، و مع الايام تصير لي مواقف تخليني اتاكد ان حقيقة و مو شي أنا أتخيله. ما أعرف إذا ذا الشي طبيعي ولا بس أنا اللي أواجهه، بس احس اني شخص غير مرغوب فيه في اي مجموعة اكون فيها. مهما كانت مجموعة الاصحاب اللي اكون معهم يجيني شعور ان وجودي و عدمه ما يسوي اي تغيير، وبعض الاحيان حتى احس ان الكل بيكون مرتاح اكثر لو اني ما كنت معهم. دايما اما اكون محور ضحك و سخرية الناس اللي حولي، او انهم يجاملون و يتعاملون باحترام زايد بطريقة تبين انهم مو مرتاحين في تصرفاتهم. و في الحالتين الشعور أبدا غير مريح. بديت اقتنع ان شبه مستحيل يكون في توازن بين "الاحترام" و "الميانة" بين الاصحاب، لازم تضحي باحدهم حتى تحصل الثاني، و ذا أبدا مو مريح. نفس ما ان ودي اكون بين ناس يتصرفون بأريحية معاي في نفس الوقت ما ودي انهم يقللون من احترامهم و يسخرون و يهينوني كشخص، خاصة لما المزح يكون فيه ألفاظ او تصرفات قد تكون ثقيلة و صعب بالنسبة لي اني اتقبل انها شي طبيعي. في نفس الوقت بديت ألاحظ ان اغلب الشباب ما عاد يعاملوني مثل قبل، يتعذرون من الطلعات او ما يرسلون و يسولفون نفس ما كانوا، ادري ان هالشي سببه هو الحدود اللي جالس احطها بس ما احس ان الحدود ذي غير منطقية. ودي اطلع و اكون شخص اجتماعي و عنده اصحاب و كل شي، بس ما ودي اكون في مكان وجودي غير مرغوب فيه او إذا كنت فيه بيتم التقليل من قيمتي كشخص. ما اعرف كيف المفروض اتعامل او التصرف في الحالات هذه، ادري ان العزلة ما هي الخيار الصح، وادري ان المشكلة مني أنا عالاغلب لاني جالس ألاحظها مع اكثر من مجموعة مختلفة من الاصحاب، بس فعليا ما اعرف ايش المفروض اغير من نفسي

2

3