خايف من غير سبب.. مش عارف ليه؟

Question

جماعه انا بحس ديما بشعور خوف مش مبرر خالص ديما حاسس بخوف مش عارف ليه ولو عملت اصغر مشكله ف الدنيا بكون مرعوب حرفيا نفسي الخوف ده يقل مش عارف اي الحل فيه ولا المفروض بيتعمله اي لو بالنسبة للدين انا بصلي بس مش منتظم اوي الصراحه بوقع صلوات وفي صلوات بصليها متاخر بس انا مش بكون خايف ان حاجه وحشه تحصلي انا كده كده بالنسبالي عارف ان ربنا موجود وهو اللي بيرزقنا وبيحفظنا بس شعور الخوف اللي جوايا ملوش سبب وده اللي انا مستغربه ازاي اكون خايف من غير ما يكون في حاجه تخوف...

Jackfruit_65540 🇪🇬 · Accepted Answer

شعور الخوف طبيعي جدا ومتقلقش نهائي 
ممكن يكون بسبب مشاعر قديمه جدا ف عقلك الباطن طيب والحل؟
انك اول ما تحس ب خوف اعمل نظام التنفس المنتظم(شهيق ٤ ثواني-كتم ٤-زفير٦)
اعترف بلشعور ومتحاربهوش زي: انا حاسس دلوقتي اني خايف فعلا
اكتب مشاعرك ف كتاب مثلا وقول كل اللي جواك لو ده حيساعد وقت حدوث الخوف
أو انزل اتمشي شويه
ولو مأثر عليك جامد و فيه مقدره تروح مختص يبقى افضل ومتقلقش انت مش لوحدك وشعورك مفهوم جدا

Cherry_68456 🇪🇬 · Answer

سورة البقرة

Lemon_67534 🇪🇬 · Answer

بص قبل كده كنت بقول للمستر بتاعي انا خايفة ادخل الجامعة قالي انتي لي لابسة الحجاب قولتله علشان ربنا وخوف من عقابة قالي لي بتصلي ولي بتصومي نفس الاجابة خوف من ربناا وعقابة قالي وقتها الخوف طبيعي جدا علشان نتطور انتي لو مش خايفة مش هتعملي حاجة ومش هتجتهدي يعني لو مش خايفة من ربنا مش هتصلي لو مش خايفة تسقطي مش هتذاكري وهكذاا ف كل جوانب الحياة عمتا وحاجة مهمه ارمي حمولك على ربنا

Lemon_67534 🇪🇬 · Answer

حقيقي لما تحسن علاقتك بالله وتقرب منه هتلاقي كل اللي حواليك خايف الا انت يعني هتحس ان لا ربنا معايا ومش هيخذلني هو مستحيل يخذلني وعن تجربة حقيقي لما تثق بجد ف ربنا هتمشي ف الدنياا مش خاايف من اي حاجة غيرة وده اهم حاجة

Onion_60760 🇪🇬 · Answer

فعلا وجهة نظره كويسه بس بحس الخوف بيكون عائق من ان احنا نجرب اصلا حجات اكتر

Broccoli_69298 🇪🇬 · Answer

يمكن حصلتلك تروما وانت صغير علشان كدا مقصره فيك دلوقتي

Onion_60760 🇪🇬 · Answer

غالبا هو طفولتي كده كده مكانتش احسن حاجه وكان فيها مشاكل بالهبل بس تقريبا ده العادي ف طفولة اي حد يعني متربي ع طريقة اهلنا القديمه

Lemon_67534 🇪🇬 · Answer

انا فاهمة ده جداا بس خد التجربة ومتخافش يعني انت المسيطر مش خوفك المسيطر ودور كده هيحصل اي لو جربت فكر اي ابشع حاجة ممكن تحصل وجرب ودي امتع حاجة ف الحياة انك تجرب عمتا (طالما حلال)

Broccoli_69298 🇪🇬 · Answer

لا في فرق انك متربي ع طريقت اهلنا القديمه 
وانك في حاجه حصلت وانت صغير وانت مش قدر تتخطهاا

Onion_60760 🇪🇬 · Answer

لو قصدك حاجه وحشه ف اكيد لا لاكن لو ضرب وكده ف كان بيحصل يعني ده كان العادي ف التربيه عندهم

Onion_60760 🇪🇬 · Answer

والله هحاول بس بكره نفسي اوقات بسبب الخوف ده

Lemon_67534 🇪🇬 · Answer

لا الخوف طبيعي ومتكرهش نفسك حاول اي المشكلة

Broccoli_69298 🇪🇬 · Answer

ممكن دا الي يكون عملك تروومه

Onion_60760 🇪🇬 · Answer

هحاول حاضر اعمل كده