شاعر لا تناقش.. مش من حقك تحاسبني على زعلي

Chocolate_78220 🇪🇬

منذ يومين

شعور محبط

شاعر لا تناقش مش من حقك خالص تحاسبني انا اتضايقت ليه وقد ايه من الموقف الفلاني اللي حصل حتي لو تحت مسمي أن الموضوع ميستاهلش، وليه الأڤورة، وازاي محموق اوي كدا.. ملكش حق اصلا تقيم الموضوع من وجهة نظرك انت كلنا عندنا تاريخ جوانا، وكل موقف بيضغط علي حاجة قديمة مطلعتش ف وقتها ف بدل ما بنتوجع قيراط بنتوجع ٢٤ قيراط فا مش من حقك تحددلي مقدر الزعل اللي المفروض ازعله او اتضايق عشانه لأنك ببساطة متعرفش دا داس علي ايه جوايا

مش عارف أعمل إيه في موقفي مع اللي بحبها

دلوقتي الوضع كالاتي و يريت حد يسمعني علشان مش عارف اعمل اي بجد و مش عايز اكلم حد نهائي في الموضوع حد من الناس القريبة مني انا حبيت واحده و أنا شخص مش عايز اكتر من أن الواحده الي قدامي تحبني و تستني مش اكتر من كده انا لا ليا في جو المحن بتوع اليومين دول و الارتباط و الكلام ده لا انا واحد شايف أن لو حبيت واحده يبقا اخطبها تمام الشخص ده بقالنا سكة ستة شهور نعرف بعض و اتكلمنا كتيير و عرفنا بعض و فهمنا بعض و حبيتها اكتر علشان شخصيتها و اخلاقها و دي اهم حاجة عندي مش عايز اكتر من كده حرفيا حلو كده تمام انا مش عارف انا اي جرا لي بس قولت اقولها بس مش علي طول لا دخلت لها بأن في واحده بحبها و فهمتها انا اي موقفي من الحب و الارتباط و و و كل ده و مرة واحده شدينا قصدا بعض عادي ف هديت الوضع و روحت قولتها علي طول و علي كل حاجة انا حاسسها الفكرة بقا في هي بتقول انها مش قادرة تدي اي حب لاي حد خالص علشان انا عرفت منها قبل كده أنها اتخطبت لوحد و الواحد ده كان توكسك و حرفيا فشخها في أفكارها و بقت مش طايقه فكرة الحب بشكل عام بكل أشكاله بقا و قالت مش عايزك تضمني علشان انا مش ضامنني عليها هي يعني و أن المشكلة مش فيا انا من الاخر المشكلة فيها هي ده كلامها قفلت معاها الكلام وقولت لها تمام عادي اعتبر انا مقولتش حاجة خالص و نتعامل كصحاب عادي جداااااا ولا أكن في حاجة حصلت و الموضوع اتقفل دلوقتي انا بحبها و أنا شايف فيها كل الي انا محتاجه في واحده تناسبني كزوجة و زي ما قولت اهم حاجة عندي الاخلاق ثم الاخلاق ثم الاخلاق اصل بص اقولكوا علي حاجة صغيرة انا هعمل اي بالجمال أو الجسم أو الحب لما تحصل مشاكل ولا اي حاجة هتبوظ الدنيا اكتر أما لو الشي الاساسي في العلاقة كانت الاخلاق خلاص كده اي مشكلة هنقع فيها هتتحل براحة و بكل هدوء حتي لو حصل لقدر الله بعد كل الشر طبعا طلاق هيكون بكل احترام و ود و محبة من غير اي مشاكل فاهمين بس انا ببصلها من الناحية دي ف مش عارف اعمل اي الصراحة طولت معلش انا اسف ...عرض المزيد

9 الدعم

12 نصيحة

مش عارفه إذا أكلّمه تاني ولا لا - حيرة بعد الفراق

كنت بحب واحد من سنه بس سبنا بعض كنت متعلقه بيه اوي و اتأذيت جامد لما سبنا بعض قررت اني اقفل على قلبي وما اسمحش لحد يرتبط بيا تاني بس حسيت بالوحده و خصوصا اني معنديش اصدقاء اتعرفت على واحد مره تانيه بس حسيت ان حرام و قررت اسيبه بس هو فاجأني وقالي نسيب بعض مش عارفه ليه وقتها كنت متمسكه بيه بس سبته لقراره بس وهو قالي لو حابه تسأليني على حاجه معندوش مانع فأنا مش عارفه اذا كان اكلمه تاني ولا لا ...عرض المزيد

12 الدعم

11 نصيحة