زعلي بيأثر عليا وبحاول أخرج من الدوامه دي

Question

انا في الطبيعي كتومه حتى مع نفسي بمنع نفسي من العياط أو اني أبين زعلي وبقعد اتعامل مع الكل عادي حتى معنديش حد احكيله أو بخاف احكي زعلي ومبعرفش بحس بـ قله قيمه لو عملت كدا
لكن مؤخرا حصل حاجه في البيت دايقتني أوي وللاسف للاسف عيطت غصب عني حاليا بقالي اربع ايام بقضي يومي وبرجع اوضتي اعيط ساعات امسك نفسي واجي وانا حاطه راسي على المخده اقعد اعيط أنا دلوقتي في فتره زعل حاسه اني بضيع لاني مش مهتمه بـ مذاكرتي مش مهتمه بـ وجودي مع اهلي مش مهتمه بـ صحتي حتى الدروس بقيت أسهر وانام ومروحش (مكنتش كدا ابدا)
زعلي بدأ يأثر عليا وعلى حياتي بدأت اهرب لـ حاجات غلط عايزه الاقي حاجه تساعدني أخرج من الدوامه دي لاني فاضلي تكه وارجع لـ اسوأ عاده عملتها وهي اني اأذي نفسي أنا بجد نفسي مرجعش للموضوع دا والله بحاول وبعاني اوي لسه الحاجات القديمه معلمه عندي ومدايقه من شكلهم مش قادره اشوف علامه جديده تاني عليهم بس أنا هموت واعملها تاني لكن بحاول وبتمنى محاولتي تنجح من غير ما ابوظ حياتي ودراستي.

Sugar_40468 🇪🇬 · Accepted Answer

مفيش مشكلة أبداً انك تعيطي وتطلعي كل مشاعرك ماتحاوليش تمنعي نفسك من العياط ولا تكتمي لان الكتمان نهايتة وحشه، ولو ماعندكيش حد تحكيله وتفضفضيله زيي كده هقولك انا عملت ايه، انا كنت باجي اخر الليل كده اصلي ركعتين قيام واكون مشغلة قرآن واحكي واشكي لربنا واعيط وكنت بعدها بحس براحه والله، او في اخر اليوم كده عندي دفتر واكتب فيه كل اللي مزعلني وافرغ مشاعري وربنا معاكي ويعينك ويقويكي يارب

Sugar_30252 🇪🇬 · Answer

بصي انا نفس الموضوع بالضبط بس مع اختلاف اني حاولت الانتخار بس  لازم نحاول نتخطي و نتعامل و نسيطر علي نفسنا عشان منأذيش نفسنا اكتر ربنا معاكي وتكوني قويه و تقدري تتحملي و تعدي

Strawberry_29159 🇮🇹 · Answer

طبعا كل الا انتي  هتأذي بيه نفسك هتندمي عليه بعد كدا وانتي ممكن تصلي وتبعدي عن كل حاجه وحشه وتحكي مع ربنا بنيه خالصه وصلي بس بقلب خاشع وانتي هتشوفي النتيجه أن شاءالله

Apple_42577 🇪🇬 · Answer

حاولي تهدي نفسك شوية و اسمحي لنفسك تاخدي وقت تستريحي فيه. ما فيش حد كامل، وكلنا بنحس أوقات إن الأمور مش ماشية زي ما إحنا عايزين.
أهم حاجة دلوقتي إنك تريحي بالك. خلي عندك أولويات، و حاولي تقومي بأبسط الحاجات اللي تقدري عليها. خدي يومك خطوة خطوة و كل ما تنجزي حاجة صغيرة احسبيها إنجاز حتى لو كانت بسيطة

Apple_42577 🇪🇬 · Answer

زي إنك تذاكري شوية أو ترتبي أفكارك.ما تستعجليش النتائج و لا تلومي نفسك لو احتجتي وقت. ادي نفسك مساحة تحسي فيها بمشاعرك من غير ما تقسي عليها لأن التعب ده طبيعي في الظروف اللي انتِ فيها و دايمًا افتكري إنك مش لوحدك لو احتجتي حد يسمعك أو يساعدك، مش غلط إنك تطلبي دعم من حد قريب منك.
خليكي واثقة إن دي فترة وهتعدي، وإنك قدها و ربنا يكتبلك راحة بال ويفتحلك أبواب الخير

Coffee_42694 🇪🇬 · Answer

انا زيك بس كل م اجي افكر ف فكرة الانتحار بفتكر ربنا 
ودا غير ان ف حجات كتير مزعلاني ودراستي وخناقات مع اهلي ف كلو جاي عليا بس مش بعرف اعيط ومش بعرف اتلكم مع حد ولو حاولت اني اتكلم مش بكون عارفة اي ال مزعلني