زعلان ومش عارف انتظم في الصلاه تاني

Pineapple_25718 🇪🇬

منذ 9 أشهر

شعور مذنب

دلوقتي انا زعلان اني معنتش منتظم ف الصلاه ومضايق ومش عارف اعمل ايه كل يوم بقول هنتطم زي الاول للاسف يحصل حاجه ومصليش ومش عارف اعمل ايه نفسي انتظم زي الاول بجد ادعولي ربنا يهديني وانتظم تاني ف الصلاه لان الصلاه احسن حاجه ف الدنيا بجد ولو حد عنده نصيحه او طريقه انتظم بيها تاني ياريت يقولي

ربنا هداني وحسيت بجمال الصلاة ❤️

كنت فى الاول مش منتظمه فى الصلاه وكنت بقطع كتير وكنت بدعى ربنا كتير اوى انه يهدينى والحمد لله بقيت شيفه ان الصلاه حاجه سهله وجميله وبقيت بصلى الصلاه فى وقتها بس العشاء احيانا بأخرها ربنا يهدينى و يهدينا جميعا ❤️ ...عرض المزيد

10 الدعم

0 نصيحة

مش عارفه انساه وبيوحشني رغم كل الجرح

في حد ما دخل حياتي من فتره بالصدفه و مكنتش حاسه حاجه ناحيته و مع الوقت بدأت احس و هو كمان فهمني انه بدأ يحس و لما قررنا نقرب اكتر عرفت انه عايز مني حاجات تانيه و انا للأسف عشان كنت بحبه كنت بسمحله احيانا يتجاوز و لما حبيته بجد و طلبت منه ييجي يتقدم عشان مش هينفع الحال يدوم كدا قعد يتحجج انه لسه مستلمش شقته و لازم يستني اما يستلمها ف وافقت و قولتلها هستناك بس الموضوع زاد و بقي كل كلامه عن اللي هو عايزه مني و لما نيجي نتكلم جد بتخانق معايا و يزعقلي و يسمعني كلام لغاية ما قررت اني لازم اسيبه و فعلا سيبته لأني كمان كنت ندمانه اوي ع شكل علاقتنا و الحمد لله ربنا بعدها كرمني بعمرة و روحت عملتها و طلبت من ربنا يسامحني و اتمني بإذن الله يكون سامحني بس بعدها ب ٥ شهور كدا بدأ ييجي في بالي كتير و يوحشني ف دخلت انا كلمته و صارحته اني مش عارفه انساه و يمكن ده اللي خلاه يستغلني ف قالي ان هو كمان نفسه يرجعلي قولتله تمام نرجع بس م هيكون في اي تجاوزات قعد يقنعني ان ده حب و كدا كدا احنا هنكون لبعض قولتله لا يا اما كدا يا اما نفضل اصحاب قالي تمام و فعلا رجعنا و لما بقي بيتكلم في حاجه فيها تجاوزات كنت ساعات بعديها مرات بهزار عشان اغير الموضوع و ساعات كنت بقفش و لما كنت بقفش كدا كان بيتخانق معايا و انا اللي كنت بسايسه عشان منتخانقش عشان ميقطعش معايا و بعدها بفتره سألته امتي هتيجي تكلم بابا قالي بردو لما استلم الشقه قولتله ان قولت كدا المره ال فاتت و مجيتش و اصلا المعاد اللي كان قايلي انه هيستلم فيه كان جه و عدي بكام شهر ف قالي انه مش عارف اصلا هيستلم امتي ف فهمت انه بيسوفني و احتمال اصلا ميكونش في شقه قولتله طيب تعالي و قول لبابا انك لسه هتستلمها و هو هيوافق طالما اوردي في شقه و كدا كدا لسه في فتره خطوبه انا عايزاها تبقي طويله ف عادي هنستني تستلم و توضب براحتك قالي لا ما انا عايز كمان اجيب عربيه قولتله يعني انت مش عايز تيجي تكلم بابا عشان تجيب عربيه قالي اه الحياه اولويات قولتله يعني انا اصلا مش اولوياتك قالي لا اكيد اولوياتي بس انا مش هينفع ادخل اكلم باباكي من غير ما اكون جاهز ده مبدأ عندي و مش هغيره و كمان انا لسه صغير ع اني اتجوز مع ان هو كان ٢٦ سنه يعني مش صغير المهم هنا بردو. اتأكدت انه خلاص ده الوقت اللي لازم اسيبه فيه و فعلا سيبته للمره التانيه المشكله اني ساعتها مكنتش عايزه اعمل ده بس مكانش ينفع اكمل ب اي شكل من الاشكال و عشان انا من جوايا مش راضيه عن قراري ف هو لسه بيوحشني و نفسي يرجع يكلمني لاني ممسحتش رقمه ولا عملت بلوك ولا هو كمان عمل و بجد بيوحشني و كتير اوي بفكر فيه. انا حقيقي مش عارفه اعمل ايه نفسي ابطل افكر فيه و انا الحمد لله الفتره دي الي حدا ما بحاول اظبط علاقتي بربنا بصلي كل الفروض و بقرأ قرأن و بدعي ان ربنا يهديني و انساه بس بقالي شهور ع الحال ده و م عارفه بجد و الامتحان فعلا صعب عليا ...عرض المزيد

8 الدعم

9 نصيحة

بحس بخسارة لما أشوف حد كويس بس مش ملتزم في الصلاه

مافيش حد كامل .. بس بحس بخسارة رهيبه أما اشوف انسان كويس اوي بس ناقصه حاجه مهمه جدا وهي الالتزام في الصلاه يعني شخص بيتصدق و يسعي في الخير دائما للغير و فيه صفات كتير حلوة لكن غير ملتزم بالفروض ممكن نصيحه للالتزام في الصلاه ...عرض المزيد

5 الدعم

4 نصيحة