زعلانه من تدريب السكواش و عارفه انها تافهه

Question

عارفه ممكن تكون حاجه تافهه جدا بس انا من و انا صغيره نفسي العب سكواش اوي بجد و كنت دايما بروح النادي اتفرج علي الناس اللي بتلعب سكواش هناك لكن لما كنت بقول لماما تخليني اتدرب و كانت توديني مكنوش بيقبلوني علشان رفيعه يعني و كدا بس لما كبرت دلوقتي يعني روحت و وافقوا يدربوني بس مكنوش احسن حاجه و مش كويسين فا سبت التدريب بس بجد من ساعتها و انا متدايقه و مش بعمل حاجه و زعلانه و بعيط بجد و مش لاقيه مكان تاني اروح اتدرب فيه و عارفه انها حاجه تافهه جدا بس بجد انا متدايقه و اصلا لما كنت بتدرب كانو بيقولولي اني كبيره و اني حتى لو كنت كملت مكنتش هروح بطولات ولا كنت هبقي كويسه للدرجه لأن سني كبير و حاليا قاعده في البيت مش بعمل حاجه و زعلانه اوي بجد

Avocado_73786 🇪🇬 · Accepted Answer

مش لازم بطولات المهم تعملي اللي بيبسطك👍

Watermelon_56950 🇪🇬 · Answer

ليه انتي كام سنه

Chilli_63940 🇪🇬 · Answer

الدربي عشان ديه حاجه بتحبيها عشان نفسك وتبقي مبسوطه وسيبك من البطولات الحاجات ديه عندنا في مصر مش بتأكل عيش انا زيك كدا في السباحه سني كبير بس اتمرنت عشان بحبها وانا عارف ان خلاص مفيش بطولات وكدا وعادي

Ice Cream_70537 🇪🇬 · Answer

جربي تروحي تتعلمى في أكاديمية لتعليم الاسكواش وفرصة حلوة انك بتحبي اللعبة فهي هتبقى هواية ليكي أحسن من قاعدة البيت
وموضوع البطولات ماتفكريش فيه دلوقتى المهم تبقى كويسة ومتمكنة في اللعبة وتلعبيها بحب

Banana_63629 🇪🇬 · Answer

عايزة ابقي حاسة ب القوة ف ضربة المضرب  + ابقي لابسة حلو و كل الناس تبص عليا (لبس التمرين) + الناس تنتظر طريقة لعبي و تصرفاتي (إحساس بالقيمة)

Good mix

Kiwi_70606 🇪🇬 · Answer

انتي فلانه اولا في انك سيبتي الرياضه اللي انتي بتحبيها ومش لازم انك تتعلميها وتلعبيها تدخلي بطولات والكلام الهجص ده انتي بتلعبي لتحقيق ذاتك وترضي نفسك وتشبعي رغبتك انا بلعب اسكواش من 40 سنه في نادي الجزيره من ايام الجامعه ولا دخلت بطولات ولا الكلام ده علشان حاجه بحبها واستمريت فيها ورحت منها علي التنس والراكيت وهكذا والسباحه استمري العبي لتشبعي رغبتك مش علشان بطوله

Strawberry_71160 🇪🇬 · Answer

ما تروحي مكان تاني