زعلانه من بابا ومش عارفه اعمل ايه

Question

انا زعلانه اوي علشان بابا مش عاوز يصرف عليا مش عاوز يدفعلي مصرف الكليه مع ان هما والله ما اكتر من 8تلاف وقولتله اني انا هجيب لنفسي هدوم من شغلي والله بشتغل شغلانتين و انا بنت و بروح 9بليل مهدوده ومعنديش ولا يوم اجازه وكاتبه علي نفسي وصلات امانه علشان اجيب تلفون ومش عارفه اعمل ايه وصعبانه عليا نفسي علشان صحابي اللي في نفس الكليه اهلهم مبسوطين وبيجبلهم هدوم وحجات وانا معيش

Avocado_76363 🇪🇬 · Accepted Answer

عمر ما كان اللبس والتلفون الكويس مقياس تقيسي بيهم نفسك وسط اصحابك من جواكي هتشوفي نفسك قليله ومحدش من صحابك مهتم انتي جبتي ايه او لبستي ايه كل واحد ليه رزق اه لازم تسعي وتاخدي بالاسباب بس مهما كان متزنقيش نفسك ف وصلات امانه وعيشي علي قدك دا عمره ما ينقص بالعكس وهتعيشي مرتاحة البال دا احسن من مليون تلفون وفلوس

Pistachio_68852 🇪🇬 · Answer

معلش ممكن توضحي هو مش عايز يدفع ولا مش قادر يدفع

Sugar_76222 🇪🇬 · Answer

لاه هوا مش عاوز ينزل يشتغل

Pistachio_68852 🇪🇬 · Answer

واضح من كلامك ان والدك غير مقتدر ماديا عشان انتي بتقولي انك ماضية على نفسك ايصالات امانه عشان تجيبي تليفون عشان منظرك طبعا وسط اصحابك 
وطبعا بتدفعي قسطه من مصروف والدك بيدهولك 
..صدقيني هاتندمي لو فضلتي عايشة بنفس المبدء ده وهاتخسري كتير اوي .... 
حاولي تبقي قنوعة باللي مقسوملك 
وبدل ماكنتي مضيتي وصل عشان موبايل كان اولىى تمضي وصل عشان مصاريف الكلية

Pistachio_68852 🇪🇬 · Answer

خلاص اشتغلي انتي واعتمدي على نفسك

Pistachio_68852 🇪🇬 · Answer

اعملي سؤال تاني وخلي الاجابات برايفت

Sugar_76222 🇪🇬 · Answer

انا ولدي عمره مداني مصروف والاقساط انا اللي بدفعها وعلى فكره انا عاوزه اجيب تلفون علشان مكنش معايا اصلا ومش جايبه ايفون انا جايبه تلفون مستعمل علي قدي وعلى فكره انا ابويا مش بيصرف عليا غير اكله واحده في اليوم وانا اللي بجيب لنفسي انا مش مغروره بس نفسي يبقي معايا او على الاقل يبا حنين عليا انا مفيش راجل حنين عليا عارف انا امي عندها كنسر هوا برضو مصرفش عليها ورماها ورمانا عند اهلها يعني انا غلط في

Sugar_76222 🇪🇬 · Answer

انا مكنش معايا تلفون اصلا والله العظيم مجبت لبس بقالي سنه والله انا مش عاوزه اتفشخر بس عايزه اعيش حلو زي النااس

Sugar_76222 🇪🇬 · Answer

والله بشتغل بدل الشغلانه اتنين

Sugar_76222 🇪🇬 · Answer

والله يا جماعه مش بعيب فيه بس هوا مش عاوز ينزل يشتغل

Strawberry_28589 🇪🇬 · Answer

وبنا معاكي و يقويكي يارب

Sugar_76222 🇪🇬 · Answer

شكرا

Sugar_76256 🇪🇬 · Answer

ربنا يعينك ويعوضك خير اصبرى وربنا هيعوضك والله

Sugar_76222 🇪🇬 · Answer

يارب