جده امي توفاها الله امبارح بعد كفاح طويل من ابتلاءات وامراض وكبر السن بس كانت صابره وحنونه وطيبه جدا مع كبر سنه اللي وصل لل ٩٠ مكانتش تنساني وكانت بتحبني اوي وانا كنت احب ازورها واقعد معاها بقالها سنين مريضه بالسكر حتى وصل الامر لبتر رجلها وبعد سنين بترت التانيه بردو كانت على طول في سريرها ومع صغر معاشها الا انها كانت لازم كل ما تشوفني تديني فلوس حتى لو اخر حاجه معاها وتحلف وتقولي عيب انا بقولك خد من حوالي اسبوع كان بقالي فتره كبيره ما شوفتهاش بحكم اني ثانويه عامه مبطلعش كتير وكانت جدتي عندنا وابويا قالي روح وصلها وجدتي قالتلي تعالا اما اروح ازور امي قولتلها فرصه اروح اشوفها بقالي كتير ما شوفتهاش دخلت عليها وسلمت عليها ولقيتها بتقولي تعالا يدكتور فرحت اوي وعيني كانت هتدمع وحلفت عليا لاخد فلوس برضو وقالتلي يلا عايزينك دكتور قد الدنيا رحمه الله عليكي يحبيبتي ❤️♥️

12

0