راني متناقضة مع روحي وندمت ماقريتش فالجامعة

Question

باختصار شديد:راني متناقضة مع روحي بزاف لاني راطيت 3 سنوات من حياتي مقريتش فجامعه واللي قدي في السن راهم تخرجو هدا العام.وانا هدا وين راح نقول بسم الله.من جيهة نقول عادي كل واحد وظروفو ومراكيش في مسابقة باش تقارني نفسك مع لي كملو ووو بزاف حجج نقدهم لنفسي باش منتأثرش سلبيا . ومنجهة نفشل صح صح ..نقول ياريت قريت يالوكان ليسونس معليش وندمت .وكون فرحت والديا . نحشم كل عام نقول هادا عامي لول.بصح شخصيا انحب نقرا وشاطرة وعندي فضول كبير وشخصيتي الحمد لله خاطيني بزااف امور سلبية . ولكن كي نلحق للدراسة نفشل كليا . شكون كان هك وتجاوز هدي حالة ونجح؟ حتا وكان روطار ؟ ولا تسعو قصص . كرهت والله . وهدا عامي لول سنة 1 وراح نبدا من جديد ادعولي ننجح وتسهلي يارب بدون فشل أو كرب .

Pear_81918 🇩🇿 · Accepted Answer

لازم تفهمي حاجة وحدة في حياتك انو كلش مشي مهم لهذي الدرجة من غير عبادة الله حتا لوكان بديتي تقراي ونتي عمرك 50 سنة مشي عيب عادي 
انتي طبيعي ربي واعطيلو حقو وديري الحاجات لي تحبيهم ولي تسحقيهم مثلا الخدمة اذا مكاش اي يخدم عليك وخليها على ربي

French Fries_81639 🇩🇿 · Answer

واش تخصص ؟

Pineapple_82119 🇩🇿 · Answer

قولي الحمدلله لي راح تيداي حاجه جديده ماكان لا خوف لا والو 
رح تبدلي حاجه و تتخرجي ان شاء الله مي اليوم   لي فاتك متلوميش روحك فيك بصك هدا قضاء و قدر 
 و رح ديري خطوة و تقدم كبير من رح تبداي من جديد و تا حجا متحشمي بصك تا حاجه مدرتيها حرام

Watermelon_81270 🇩🇿 · Answer

مشي جبر خواطر ولا مي والله حاجة عادية جدا فالجامعة اغلب اصدقائي لي متفوقين و عباقرة الله ايبارك كبار بمفهومك نتي و لي قدهم تخرجو من سنيين و عادي كل واحد كفاه كتبلو ربي ....استمتعي بمشوارك الجامعي ديري صحابات تمرمدي و ضحكي و كوني متيقنة بلي رزقك على ربي ادا كتبلك يجيك مشي بشطارة منك

Pineapple_82120 🇩🇿 · Answer

ختي هذا الوسواس يديراك هكا ماهيش حاجة كبيرة هاكي ماقريتيش السنة وراطيتي كون العام الجاي تقولي كون غير بديت السنة ختي باه ماتندميش ابداي دوكا وارمي عليك اي هدرة ماشي مليحة من الناس الي يقلك راكي كبيرة ولا انا كي كنت نقرى الماستر كانو يقراو معايا كبار ونسا بالحمل  بزاف ماتكرهيش ختي ماكيش ديري حاجة حرام حتى تلقاي العام بلخف كمل  بالاكي تحبي مهما كان عمرك اذا عمرك 23 ولا 25 عادي ماشي 50

Pineapple_82102 🇩🇿 · Answer

شوفي اختي لازم ديما تقولي الحمدلله لأنو كل تأخر هو نعمة من ربي بلاك لوكان دخلتي بكري تفشلي بلاك تصرالك حاجة ماشي مليحة أو طيحي مع عباد مشي ملاح بلاك رزقك راه مخبي مور هاد التأخر ..ديما قبل أي حاجة نويتي ديريها أتوكلي على ربي خذي بالأسباب و خلي النتائج على ربي متخليش طموحك دنيوية فقط لأنو مرضاة الله هي الأهم كي يرضى عليك ربي راح يجيك رزق تعجبي منو بإذن الله ..أسأل الله أن يوفقك و يثبتك على دينه

Pineapple_81346 🇩🇿 · Answer

ختي لعزيزة ايدا راكي دايرة فبالك بلي بلقراية لي راح ترضي نفسك و تفرحي والديك راكي غالطة الانسان يقرا باش عقلو يبقا يمشي و يكون عندو رصيد معرفي فقط اما شعور النجاح راح تحسي بيه كي تحطي كامل جهدك اوو وقتك فحاجة نتي راكي حابتها مشي فلقراية

Blueberry_82172 🇩🇿 · Answer

mkch akbar 3fssa li tet3lm mnhaa o tadi exprience kima ki tafchal

Coffee_82295 🇩🇿 · Answer

مكاش حاجة اسمها لو كان. كان حاجة اسمها قدر الله وما شاء فعل.  كل حاجة صراتلك. فيها خير وكل حاجة راح تصرا فيها  خير. وتشاء انت ما تشاء ويشاءالله لك من الاقدار اجملها. كل حاجة في هذه الدنيا مقدرة ومكتوبة عند الله مراحش نقدرو نغيروها   وماةعلينا الا ان نرضى بقدره والحمد لله راكي فطنتي وراح تبداي تقراي وربي يوفقك. معندهاش علاقة بالسن ولا بالناس  ناس وصلت ناس دارت ناس فعلت لالا لي عندها علاقة انا

Coffee_82295 🇩🇿 · Answer

لي عندها علاقة انا وش راح ندير ولازم نوصل وين حاب وربي يوفقك لما يحبه ويرضاه