toheal logo

Marshmallow_37896 🇪🇬's منشور

Marshmallow_37896 🇪🇬

منذ 6 أشهر

.

شعور قلق

ده دين وبيتردلي صح؟ ذنب حد انا شيلاه عشان كده بيحصل معايا كل ده كان في حد قريبي بيحبني من زمان وحاول كتير وبعتلي ناس عشان اوافق عليه بس انا كنت بشوفه زي اخويا كنت شيفاه حد كويس جدا بس مقدرتش اتقبله معرفتش احس ناحيته بااي مشاعر وكل مره يبعت فيها ارفض وافهمه انه كويس ومحترم واي حد يتمناه بس مفيش جوايا اي حاجه ناحيته كان بيتفهم كل ده ويسكت وبعدين يرجع تاني يحاول لدرجه ان اخر مره حاول فيها معرفتش اقفل ف وشه الباب خلاص قفلته كتير وبرضوا بيحاول قولت لنفسي مفيش حد هيكون شاريكي زي ده وقولت لازم اوافق عليه مقداميش حل تاني وبصراحه وافقت بعقلي وقلبي ده مكنش ليه اي وجود وقتها وقلت يمكن بعدين اعرف احبه وتتولد المشاعر والقبول بس معرفتش والموضوع كان تقيل عليا وحسيت اني هظلمه وهظلم نفسي ف بعد تفكير كتير وعياط وتعب نفسي وضغط عشان كنت بخاف علي شعوره ومش عاوزه اوجعه واكسره واشيل ذنبه ويشهد ربنا اني ضغط علي نفسي كتير عشان مجرحش بني ادم بس مقدرتش وبعد فتره رجعت رفضت اكيد دي كانت صدمه ليه بس انا غصب عني حاولت عشانه وعشاني وقولت ادي نفسي واديه فرصه بس دي حاجه بتاعه ربنا مش بايدينا 🥺💔 وبعد تقريبا سنه جي حد اتقدملي اول مره شوفته اتقبلته عطول وحسيت مشاعر قويه وحب تجاهه ووافقت وبعدين رجع في كلامه وقفل الموضوع ومشي وبدون اسباب طبعا اتصدمت واتجرحت وحسيت انه اتلعب بيا واتخدعت وحجات كتير وحشه وانا حاليا مش قادره انسي اللي حصل ولا انسي الموقف اللي حطني فيه فهل ممكن يكون ده عمل معايا كده زي ماانا عملت وبيتردلي اللي عملته انا بقعد افكر واقول اكيد ذنب الشخص الاولاني ف رقبتي عشان كده بيحصل معايا كل ده رغم اني عمري مقصدت العب بمشاعره ولاقصدت اوافق واسيبه واعمل شغل العيال ده بس والله والله تاني انا لما وافقت وافقت مراعات لمشاعره ومحولاته كنت مضغوطه من كتر المحولات اللي حاولها عشاني مكنتش عاوزه اكسره بس مقدرتش الموضوع مش مقبول جوايا ومش باايدي

5

3


لا يمكنك رؤية أي نصيحة على هذا المنشور لأن الناشر اختار تلقي النصائح بشكل خاص. إذا كنت ترغب في مشاركة نصيحتك، ببساطة اكتبها في المربع أدناه.

التجربة أفضل عبر التطبيق

حمّل تطبيق توهيل على هاتفك لتجربة أسرع