حياتي اتخربطت بعد ما خسرت صديق العمر

Coffee_80700 🇪🇬

منذ 5 أيام

شعور محبط

كنت مرتبط بي واحده و سبنا بعض عشان ظروفي الماديه مكنتش احسن حاجه مع اني عندي شقتي و كل حاجه بس مش ده الموضوع برضه المشكله بعد ما سبنا بعض اكتشفت ان حياتي كلها كله عارفها كانت بتحكي كل حاجه لي كل صحابها و للاسف هي دي طبيعتها حتي كانت بتحكيلي كل حاجه عن حيات صحابها و المشكله انها بتحكي بطريقتها و مش بتبقي الحقيقه و خلت في حساسية بيني و بين صديق عمري و يعتبر خسرنا بعض

قررت أدي نفسي استراحة من الحب

بسبب تجارب فاشلة قررت أدي نفسي استراحة من الحب. مش ضعف، ومش استسلام، لكن علشان أعيد ترتيب قلبي وأفهم أنا محتاج إيه فعلًا. يمكن زمان كنت فاكر إن أي وعد بيتقال لازم يتنفّذ، وإن أي كلمة "بحبك" معناها حب حقيقي، لكن التجارب علمتني إن مش كل الناس زينا، ومش كل القلوب صافية. أنا اتربيت على إن الصدق أساس، وإن اللي بيحلف مبيكدبش، واللي يوعد بيوفي. اتربيت أدي من غير ما أستنى مقابل، وأتمنى الخير للناس زي ما أتمنى لنفسي. لكن الواقع وراني إن مش كل الناس بتفكر كده، وإن فيه ناس ممكن تضحك عليك بكلمة أو وعد من غير نية حقيقية. يمكن الغلط مش إني صدقت، لكن إني ما كنتش حريص كفاية. ومع ذلك، مش هجلد نفسي. لأني مؤمن إن التربية الصح عمرها ما تكون غلط، وإن التجارب هي اللي بتكمل النقص فينا وبتعلمنا إزاي نكون أقوى وأوعى. النهارده أنا قررت أستغنى، قررت ما أحبش ولا أدي مشاعري لحد. مش لأن قلبي مات، لكن علشان أدي لنفسي فرصة أتعافى وأعيد بناء ثقتي من جديد. يمكن في المستقبل ألاقي اللي يستاهل، ويمكن لأ. لكن الأكيد إني مش هقسى على نفسي تاني، ومش هسمح لتجارب فاشلة تكسرني أكتر من اللازم. ...عرض المزيد

4 الدعم

3 نصيحة