خايف أندم على عزلتي وقلة تقدير الثقافة

Question

هي مش مشكلة بس عايز احكي عنها 
لما كنت 10 سنين دخل بيتنا اول وصلة نت و للصدفة إن أول موقع فتحته كان ويكيبيديا و مكنتش اعرف ساعتها اي ويكيبيديا دي و من ساعتها اتولد عندي حب الإطلاع و القراءة و بحب اقرأ في مجالات كتيرة جدا يعني انا بقرأ في السياسية و الجغرافيا و التاريخ و تاريخ اللغات و الكلمات المشتركة و المشتقة و كمان الرياضيات البحتة و الرياضات زي كرة القدم و الرياضات القتالية و اخر خمس سنين اتعلمت الرسم الرقمي  وDigital Art و كمان قريت في تاريخ الفنون زي الرسم عامة والفترة الأخيرة قريت في مجال ساعات اليد و تعقيداتها غير اني طالب في كلية هندسة قسم إلكترونيات و اتصالات 
ممكن تحس اني مأفور أو في حاجة غلط لكن دول اتعلمتهم من 2014 لما كنت في ابتدائي لحد دلوقتي يعني مجوش من فراغ لكن بحس اني الناس مش مقدرة قيمة الثقافة في شاب لسة بادئ عشريناته و كمان بحس اني مهمش رغم اني مش بظهر الجانب ده بس اتعودت ع الوحدة و اكتفيت بالحاجات اللي اتعلمتها ده حتي بنزل اسكتشات ع انستا مش بتجيب تفاعل ف اكتفيت بالحاجات دي و انها خير صديق و قريب هعتزل الناس و علاقتي الوحيدة بيهم هتبقي الشغل فيما بعد و حتي مش بفكر اتجوز أساساً 
فخايف اندم اني خدت خطوة زي ده لما ابقي عجوز لو حد عنده تعديل لكلامي أو نصيحة يقول

Strawberry_80896 🇪🇬 · Accepted Answer

بلاش كده متقفلش حياتك بالطريقة دى لمجرد ان الأشخاص اللى حواليك مش مقدرة مواهبك و مهاراتك، بالعكس استمر و طور من نفسك افضل و عيش حياتك صح، هتعيشها مرة واحدة، عيش ما شئت ف انك ميت

Pineapple_80421 🇩🇿 · Answer

decisions shouldn't be this final, it's hard to find people who understand you at the moment but stay open to opportunities, keep growing, Internet is a good place to feel valid and there are places in which you will find people like you and who inspire you to be even more, in the meanwhile you will definitely find your people irl too and someone you'll love

Marshmallow_81683 🇪🇬 · Answer

مش قافل بشكل كلي لكن أنا ببعد واحدة واحدة يمكن اغير رأيي لكن برضه مفيش حاجة جديدة

Strawberry_80896 🇪🇬 · Answer

عيش حياتك طبيعي و اتجوز و حب عادي في الإطار الحلال طبعا علشان محدش يفهمني غلط حلوة الحياة اكيد لما يكون فيها نصك التاني اللى ربنا خلقه من ضلعك حلوة لما تكون فيها مودة و رحمة و سكينة ربنا يرزقنا جميعا

Strawberry_80896 🇪🇬 · Answer

بلاش برضو تبعد نفسك كده انت في الأول و في الآخر بتبعد نفسك عن حياتك و ده مينفعش، البعد واحدة واحدة ده يبقي مثلا مع الناس اللى مش شبهك كده يعني

Watermelon_81045 🇩🇿 · Answer

حبك للاستكشاف والاستطلاع امر رائع...حاول استكشاف الجانب الاخر من الحياة... لماذا ليس لديك فضول لمعرفة كيف يمكن ان تكون رائع في غير مجالك...  انت مثقف وتعرف الغاية من خلقك اذن تعرف جيدا ان احترام الناس وانبهارهم بعبقريتك ليست ضمنها فعش حياتك بالطول والعرض 😊

Cherry_78677 🇩🇿 · Answer

اخي انت موهوب بجد بس مش ناس لبتقيمك ولا هي لبتديك قيمة لنفسك انت لما تعلمت الشغلات دي تعلمتها عشان نفسك عشان بتحبها مش عشان ترضي ناس ومتتوقعش انو ناس ممكن متكنش عندها فهم لمواهبك وقدراتك رح تقدرك مثلا لو حطيت تليفيزيون في غابة للحيوانات مش حتفهم هو ايه او ينفع لإيه ورح تكسره انا مش بشبه الناس بالحيوانات بس بعطي مثال حواط نفسك بأشخاص من مستواك الفكري وثقافي

Banana_81315 🇪🇬 · Answer

طالما بتعمل حاجة انت مقتنع بيها و بتحبها يبقي انت صح .. بس علشان نشتغل لازم يكون عندنا دائرة اجتماعية مينفعش ننعزل .. نصيحتي انك متنعزلش و كمل دراستك و اشتغل و اتجوز و عيش حياتك ب شكل يريحك و تكون سعيد

Marshmallow_81683 🇪🇬 · Answer

فاهم اخي لكن اقصد هنا إني بعمل كده عشان اعجب الناس لكن ابقي اترك أثر طيب في نفس إنسان أنه يتعلم حاجة جديدة أو يستغل مواهبه أنه يوجهها في المكان الصحيح لكنهم لا يدركوا ذلك

Marshmallow_81683 🇪🇬 · Answer

مش قصدي انعزال تام انا قولت هقصر دايرة المعارف و اني اختار الاصدقاء اللي توجههم قريب من افكاري و دراستي أنا إن شاء الله فاضلي سنتين و اخلص و مكملها بإذن الله

Cherry_78677 🇩🇿 · Answer

بختصار متحولش تعجب ناس اعمل الي انت بتعمله وتميز بشغلك وراح تلاحظ الناس وجودك وموهبتك لما انت تميز نفسك

Banana_81315 🇪🇬 · Answer

لازم فعلا تختار دائرتك كويس و القريبين منك ويكونوا فاهمينك و كمان يكونوا بيشدوك للخير .. ان شاء الله تخلص كليتك علي خير.. انا خريج نفس القسم اصلا 😂 .. عارف الدراسة مش سهلة و الضغوط و التسليمات .. موجود اي وقت عايز اي حاجة