أنا و هو بنحب بعض و هيتقدملي الشهر اللي جاي ان شاء الله عايش هو و اهله في فيلا و الدور التالت في شقته ( شقته كبيره ماشاء الله) و الشقه ليها سلم خارجي زي العماره مش من جوه لا و الدور الرابع شقه اخوه بس اخوه لسه في إعدادي فلسه بدري اوي عليه المهم اني خايفه من فكره بيت العيلة و اتكلمت معاه فيها و قالي انه اتكلم مع اهله و انه محدش هيطلب مني حاجة و انه عنده اخت هي اولي بماماتها و شغل البيت و قالي هيحافظ علي خصوصيتي و مش هيدي مفتاح الشقه لحد لاني كنت خايفه من الموضوع ده برضو و قالي سرنا في بيتنا و طالب مني محكيش حاجة لحد و هو كمان اكيد مش هيحكي قولتله طب لو اتخانقنا مثلا و صوتنا علي غصب عننا و سمعوا و تاني يوم سألوا قالي هنقول مفيش حاجة عادي و ده بيحصل في كل البيوت الحمدلله و مش هتحكي ولا لاهلي ولا لأهلك و أنا كمان مش هقول و هنحل مشاكلنا بينا و بين بعضنا هو بس طالب مني انه ساعة واحدة ننزل نقعد معاهم كل يوم و بعدها نطلع ننام هي ساعة بس و قالي لو مش قادرة او تعبانه اكيد مش هغصبك قولتله و لو مش عايزه يعني مثلا انهارده مليش مزاج انزل قالي مش هخليكي تعملي حاجة غصب عنك بس ميبقاش بيتكرر كل يوم ورا بعض عشان شكلي بس قدامهم و هو بيحبني بس خايفه الصراحة يتغير و خايفة ده يكون اي كلام مع انه كل مره بيطمني و بيقولي محدش يعملك حاجة و أنا موجود و متقلقيش و انتي اكيد عارفه الصح من الغلط فمش عارفه أوافق ولا حتي لو بحبه ممكن بيت العيلة ده يعمل مشاكل بعدين؟ لسه معرفش اهله أنا كلمت والدته مره واحدة و كان لطيفه معايا عادي و هي اللي طلبت تكلمني بيقولي اهلي طيبين متقلقيش بس يعني طبيعي يقول كده عشان اهله محتارة و خايفه و مش عارفه اعمل ايه

3

1