خايفة الناس يشوفوني مش محبوبة في عيد ميلادي

Question

عندي مشكلة عبيطة بس مسببالي قلق الساعة عدت ١٢ والمفروض انهردا بقا عيد ميلادي ال٢٣ لما دخلت الكلية اتعرفت علي ناس كتير وكان بتبقي في استوريهات كتير بتتعملي دلوقت بعد ما اتخرجت علاقاتي قلت خالص مبقاش في غير حوالي ٤ ٥ كدا صحاب قريبين اللي ممكن ينزلولي استوريهات ودا اللي موترني علشان خايفة الناس يشوفو اني مش محبوبة خصوصا اني بشتغل دلوقتي والناس في الشغل علاقتي بيهم مش قريبة لدرجة انهم ينزلولي استوريهات انا عارفة ام المشكلة ممكن تبان تافهه بس خايفة الناس يشوفوني مش محبوبة

Sugar_73841 🇪🇬 · Accepted Answer

كل سنة وانتِ طيبة وبخير 💗
بصي هي مش بتبقي بعدد الاستوري خالص عادي انا في عيد ميلادي مش بنزل استوري ولا بعمل اي حاجة وده مش لحاجة غير اني بحب احافظ علي خصوصيتي بحب اخلي حياتي برايفت وعمرها ما هتكون بالاستوري انت اكيد شخصية جميلة وتستحقي كل خير ربنا يوفقك وتكون سنة جديدة وسعيدة ليكي مليانة بالانجازات وكل الللي بتتمنيه يا جميل💗💗

Mushroom_71259 🇪🇬 · Answer

اولا كل سنه وانتي طيبه وإن شاء الله يكون عام سعيد عليكي 
ثانيا هي مش مشكله هي ميزه احيانا خصوصا لو بنت 
دايرتك معارفك لما بتبقا صغيره بتبقي انضف واحسن وهتعرفي دا مع الوقت  وخصوصا ف شغلك  
من واقع خبرتي ف الشغل الناس بتنبهر ب الشخص الجديد ويسلام بقا لما يعرفو أن دايره معارفو قليله دا بيديهم احساسو أنو شخص مميز مش اي حد يعرف يتعامل معاه

Chilli_63687 🇪🇬 · Answer

كل دي شكليات اللي هيحبك فعلا هو اللي يقف جنبك وقت الشدة غير كدا كله بلح زي ما قال جورج وسوف 😂 اصحاب كتير و احباب شوية يعني قليلين

Kiwi_70606 🇪🇬 · Answer

مشكلتك انك عامله اهميه كبيرة لكلام الناس والناس عمرها ما حتنغعك ولا حتضرك النافع هو الله والضار هو الله خليكي في طريقك ومالكيش دعوه بحد وقدر الله نافذ فيا وفيكي فلا تلقي بالا بكلام الناس وكوني علي حذر في التعامل مع الناس كلما قل تعاملك معهم سلمتي من الاذي والمشاكل

Hazelnut_63310 🇪🇬 · Answer

اول حاجه كل سنه ونت طيب وسنه جديده في حياتك تكون مليانه خير وفرح وسعاده يارب 
تاني حاجه اوعي تفتكري ان الي هيحبك هيحبك ب استوري او اي شكليات لا و اول حاجه لازم يكون عندك ثقه في نفسك عشان الي حوليكي يثقو فيكي ومتخفيش ان محدش يحبك بالشكل لا الي بيحبك هيحسسك بوجوده واخر حاجه تحطيها في دماغك الناس