خايفة أقرا اللي كتبته في جلسات الكتابة اللاواعية

Apple_22069 🇪🇬

منذ يوم واحد

شعور غير مكتمل

عشان نسيت اكتب توثيق الجلسة التالته للكتابه اللاواعية في الواقع الموضوع ده مفيد جدا بس انا عن نفسي بعد الكتابه التالته بقيت خايفة بشكل كبير اني اقرأ اللي كتبته من اول جلسة لحد الجلسة التالته لاني عارفة انهم مخرجوش مني لسة برضوا رغم اني مش فاكرة انا كتبت ايه بالظبط في التلت جلسات بس علي حسب نصايح شات جي بي تي انا المفروض اقرأ من بعد الجلسة التالته للجلسة الخامسة يعني براحتي بس انا مش عارفة اصلا هعرف جذور المشكلة واحلها لوحدي ازاي فكرت اني اكتب لشات جي بي تي كل حاجة انا كتبتها في كل جلساتي واخليه يقيمني ويساعدني بما اني معندناش في العيلة ثقافة الدكتور النفسي

قصتي غريبة مع الدكاترة وزميلي في الجامعة

جماعة أنا قصتي غريبة شوية أنا طول عمري حزينة قررت اروح عند دكتور نفسي بعد الثانوي النتيجة جات معايا عكسية خالص سواء الادوية او السلوكي بالاخص الادوية كنت بحس اني باخد خمر مش أدوية مكنتش بدرك خالص اللي عملته عملت مشاكل كتير خالص في الجامعة مشاكل اوفر يعني الدفعة تعتبر كلها اخدت عني فكرة وحشة المهم في موقف من المواقف كنت عملت مشكلة كبيرة جدا وكان فيه تلت اولاد من الدفعة تقول عليهم اسمهم الف وباء وجيم الف كان بيقف يضحك عليه وانا معدية والتانيين معاه وانا سكت لاني كنت غلطانة بس ساعتها رميت كل الادوية في الزبالة لاني قلت لازم ادرك تصرفاتي شوية بس الحاجة اللي لفتت نظري بالرغم من ان باش كان بيضحك عليه مع الف إلا اني لما كنت اسأل سوال كان يجاوبني عليه عادي علي الجروب المهم مرت فترة وكان فيه ايلكيشن اسمه تيليوم أنا كنت محملاه وجاء لي إشعار ان فيه واحد زميلي اسمه ياء منزله فقعدت اساله بس هو عرفني واداني بلوك ومن الكلام اللي واضح قبل ما يديه لي ان فيه ناس كمان عرفوني في الدفعة(هو قال لهم او ما شابه)جيت الكلية ترم كامل الاقي باء دة قاعد بيغمز ويهمز وعليه وفي وشي بس ولا سمعت حاجة بودني فجيت علي الترم التاني شتمته علي تيليوم لاني كنت شاكه انه بيبعت لي وهو فعلا اتنرفز فعلا وجاب جيم وضحك عليه قدامه قلت لبنت صحبتهم هنا الاتنين وهي مجرد زميلتي وواخده حذرها مني من بعد المشاكل قالت لي اني بتوهم وأنهم ولا عملوا كل دة أنا هتجنن معقول كل دة ابقي بتوهم انا قعدت ترم كامل بشوف نفس التصرفات من نفس الشخص وللعلم أنا عمري ما تعاملت معاه ولا كنت أصلا بركز معاه؟تاني حاجة أنا غلطت فيه لما شتمته؟تالت حاجة هو من حقه يجيب صاحبه ويضحك عليه قدامي ولا هو في دور ضحية؟رابع حاجة المفروض اتعامل معاه ازاي يعني أنا مش فهماه ولا عارفة احدد مشاعري بيساعدني علي الجروب بس لما الف كان بيقف لي علي السلم يضحك هو كان بيضحك معاه وشكله مبسوط وحتي لما مرت سنة كاملة هو اللي بقي يغمز ويهمز عليه واللي حصل حصل بس كان بيساعدني علي جروب الدفعة قبل ما يحصل اللي حصل ففيه حد يعرف يفهمني شخصيته يعتبر طيب ولا شرير وأتعامل معاه ازاي(أديه بلوك وامشي الكلام في الكلام عادي ولا أتجاهله) ...عرض المزيد

5 الدعم

3 نصيحة