خالتي بتضايق عليا في الجواز.. أعمل إيه؟

Question

دلوقتي انا كنت عند قريبي المهم ان خالتي كلمتني في موضوع الجواز ومتجوزتش ليه فحكتلها ان أتقدم كذا حدا ليا وانا محستش براحة وخلاص علي كده وفهمتها ان كل شئ قسمة ونصيب وانا مش مستعجلة علي الحاجة 
المهم خالتي مسكتتش جت بردو وماما عندها بس انا مكنتش موجوده واتكلمت معاها في الموضوع وقالت لها هي بنتك مبتجوزش ليه ومستنيه ايه ولزم تتجوز مع العلم انا لسه في العشرينات اصلا وكان بتقولها ايوه انت اللي غلطانة انت سايبها كده ليه خليها تروح افرح وتشوفيها حد يعني هي عايزني ارمي نفسي علي الناس ولا ايه؟ مش عارفه وبعدين اصلا محدش اشتكلها، اتكلمت بزوق كذا مرة ومش نافع مش عارفها اعمل معاها ايه لان كلامها دايق ماما ولحد هنا وكفاية المفروض انا اتصرف معاها ازي ؟

Strawberry_83011 🇪🇬 · Accepted Answer

اللي زي دول قوليها ليهم وش كده ملكوش فيه او احرجيها قوليلها وبتسالي ليه ناويه تجيبيلي جهازي ولا ايه

Apple_71528 🇪🇬 · Answer

لا تلتفت  اليها وما زال الامل امامنا

Sugar_84095 🇪🇬 · Answer

حلوها الفكرة دي ههه أو ممكن اقولها ليه انت هتجبيلي عريس

Blueberry_79752 🇪🇬 · Answer

احرجيها اللي ملوش فيه ميدخلش فيه 
ارسمي حدود قوية بلاش حشر انف في خصوصيات الناس ، حاجة تقرف والله يا بنتي

Ice Cream_76740 🇪🇬 · Answer

كلميها بذوق ان كلامها بيأذيكي عشان هي فاهمة انها بتعمل لمصلحتك

Strawberry_83011 🇪🇬 · Answer

او قوليلها انتي معجبه بيا 😂 مني خدي الافكار 😂😂

Lemon_77705 🇪🇬 · Answer

بصي، أنا هنصحك نصيحة لوجه الله 
أنا عارف ان كلامها مستفز و هي حاجه متخصهاش و في الاول والآخر نصيب.
بس هي فعلاً بتدور علي مصلحتك، العمر بيجري و للأسف محدش بيحس غير لما يلاقي نفسه وصل سن كبير و الاختيارات قدامه بقت محدوده ، و الكلام ده شباب و بنات على فكره
أنا قعدت اقول لنفسي جمع فلوس الشقة و فلوس الجواز و هات عربيه و وقتها هقعد اختار براحتي و أشوف اللي تناسبني و الكلام ده، يتبع

Lemon_77705 🇪🇬 · Answer

ربنا كرم و جبت الشقه و ركنت فلوس الجواز و الحمد لله جبت العربية، و النتيجة ايه ؟
للأسف كل المناسبين من سني اتجوزو ، و ع الاقل هيكون في فرق ١٠ سنين بيني و بين أي بنت هحاول ارتبط بيها وده أنا شايفه فرق كبير.
صحابي ربنا كرمهم و يباركلهم جميعاً اتجوزو و خلفو و حتى مبقاش عندهم وقت ننزل ع القهوة سوا.
ف نصيحة لله، متاخديش الموضوع بحساسية و اعرفي انها بتدور علي مصلحتك حتى لو اسلوبها مش كويس

Kiwi_76411 🇪🇬 · Answer

كلامك صح جداا بس هي عاوزه مصلحتها بالكلام ؟ياتحاول تساعدها حتي بطريقه نصح كويسه او لو تعرف ناس كويسه وف الاخر هي مش هتعيش معاها حياتها حلوه او وحشه

Sugar_84095 🇪🇬 · Answer

لا هي مش عايزها مصلحتي ده هي بتلحق ان انا كده بقيت بيره وبعدين ده بتقول وديها الأفراح افرح ايه اللي هروحه هو انا هروح اقول لناس ونبي عايزها عريس ، وبعدين هي مش في كده بس هي دئما عايزها تبيني اني مش كويسها في موقف تانيه كتير ربنا يهديها