كنت بحب الحياة وبنزل چيم وبصلي وبقرأ قرآن وعندي مشاعر وبحس، من يوم نتيجة تالتة ثانوي وانا حياتي واقفة حصلي انتكاسة مش عارفة ارجع بعدها رغم اني حاسة استغفر الله اني متخلقتش للدنيا ومليش اي حاجة فيها تحسسني بسعادة او اني عايشة حياتي وقفت وقلبي اِسوَد اوي من البُعد عن ربنا والذنوب ، خسرت حلمي ونفسي وصحابي وطاقتي وشغفي للحياة، حاسة اني مليش اي لازمة او قيمة لاني مدخلتش كلية عشان مجبتش مجموع، عايشة عشان بس اشوف طلبات اهلي ف البيت واكنس وارتب واعمل اكل كإني ربة منزل رغم ان سني صغير بس مش عايشاه، لما هو سن الشباب اللي المفروض يكون اكتر فترة حلوة فحياتي كدا امال الجاي اي؟ بقعد كل يوم بالليل مع نفسي دماغي تستلمني طب اغير حياتي ازاي؟ اشغل نفسي ازاي، احسّن من نفسيتي ازاي، يبقى ليا قيمة ازاي؟ جوايا فراغ محسيتهوش فحياتي قبل كدا، ساعات بحس اني مُقبلة ع الحياة وانها حلوة وتتعاش ودا شعور نادر يجيلي بس اغلبية الوقت حاسة اني متقدمتش خطوة فحياتي بس برضو بفكر اي الانجازات اللي المفروض اكون واصلالها ومحققاها وانا 19 سنة ؟؟

2

9