يعني أهلي يحرموني من احتياجاتي العاطفية، وأعيش ٣٣ سنة متعقدة بسببهم وأرفض الارتباط وأكتشف مصيبة إنهم نرجسيين. ويوم ما أقرر أتعافى، أكتشف إن جروح الطفولة خلتتني غصب عني بدي إشارات بتطفش الأسوياء وبالعافية بتجذب بعض النرجسيين. وأتعاقب طبعا بإني مش عارفة أدخل في علاقات على حاجة أنا مليش ذنب فيها. ويوم ما تحصل المعجزة وأنا عندي ٣٥ سنة، يطلع نرجسي، وأضطر أستحمله في الأول علشان مفيش غيره، وأرجع له. فمستحملش تاني. فأسيبه وأنا مش عايزة أسيبه، أسيبه وأنا أصلا لسة متعفتش من التعلق المرضي اللي عندي. وأتعذب ١٨ يوم بسبب البلوك وإني منعفش أرجع له مع إني حموت وأرجع له. وأنا أصلا بتابع مع معالجة نفسية ومش عارفة أسيطر على الألم ولا على إحساسي بمدى الظلم الواقع عليا، والمطلوب مني أشيل مسئولية التعافي من كل البلاوي دي لوحدي. وطبعا الإكس النرجسي ولا في دماغه أي حاجة، وعايش حياته (بفترض ده لأني قطعت أخباره). حرااام اللي أنا فيه ده. حياتي متدمرة. مش عارفة أشتغل ومبقاش فيه حاجة أعيش علشانها. حسبي الله ونعم الوكيل.

2

3