المهم خلصت المرحلة دي وكنت داخلة ثانوي بقى انا كانت حياتي مرسومة ومتخططة لدرجة اني مكنتش اعرف ان فيه مجالات تانية غير الثانوي بعد اعدادي افتكر في مرة كنت بتكلم مع واحدة لقيتها نفسها تدخل تمريض وبتظعي ف بقولها ان لسه بدري وكده لقيتها بتقولي لازم احيب مجموعه انا اتصدمت هنا مش علشان حاجة خالص والله بس انا كنت فاكرة ان الحياة عبارة عن ابتدائي اعدادي ثانوي عامة سواء كنت اعرف او معرفش مكنش فيه مجال للاختيار بعد النتيجة افتكر بابا قالي شوفي عايزة تدخلي ايه لو قولتي عايزة اقعد مكملش هقعدك بس متجيش تندمي بعدين وملكيش دعوة بمامتك ماما كانت من النوع اللي هي قدامع تقوله ايوا اكيد وانا مالي بس اول ناس يمشي تقولي هتعملي كذا يعني هتعملي كذا حتى في دروسي في اول شهرين كده كنت لسه بجرب المدرسين ومعرفهمش بس هي كانت بتكلم خالتي تسألها بحكم ان خالتي ولادها مجربين المدرسين بابا كان بيقولي جربي شوفي هتفهني من مين ومين لا هي قدامه برده ايوا ماشي بس من وراه هتروحي لكذا يعني هتروحي لكذا بابا قعد معايا لحد اول شهرين دروس بس ومات فجأة مات قبل الدراسة بحوالي 10 ايام هو مات وكل حاجة اتشقلبت

4

1