هاتكلم عن انسانه حياتها قدام عيني بتفاصيلها هبدأ من اول حلمها اللي كانت نفسها تحققه وضاع كان نفسها تبقا حاجة مميزة حاجة منفردة بيها مكنتش عاوزه تبقا زي إللي حوليها ليها طبعا في ده اللي حوليها قمة في البشاعه كل اللي كانت محتاجه عشان تحقق ده هو فرصة تعليم كويسة كانت محتاج تتعلم زي اي حد التعليم مهم المدارس كانت مجانية تنمر الطلاب لا حالتها المادية مكانتش تسمح إن يبقا معاها شنطة مدرسه كويسة زي الباقي ولا حتي لبس مدرسة كويس ولا كراسة انتو متخيلين واصلة لفين اخدت الابتدائيه والاعداديه كانت بتروح علي الامتحانات بس و بكرم ربنا اخدت الإعدادية كمان الانسانه دي انطفت في المستنقع اللي عاشت فيه واللي مكانش بختيارها وصلت لسن ال15 وكانت لازم تشتغل عشان تقدر تصرف علي أمها و أخواتها أصلها اكبرهم و ابوها خمورجي وبتاع قمار كانت دايما تشكيلي من معاملته كنت بحاول اواسيها.. مه الوقت بدا يضربها عشان ياخد فلوس شغلها و يصرفها في القمار فضطرات تسيب الشغل كان وصل اخوها لسن ال13 بدا يشتغل في الصيد و عرف يشتري اذية ابوه بملغ من شغله وصلت الانسانه لسن ال17 و شهر واحد اللي فات أتقدم لها عريس وافقوا عليه سمعت إنها كانت طايره بي طبيعي بالنسبه لبنت عاشت حياة زي حياتها تفرح باول فرصة تخرجها من سجنها بقول سمعت لانها قطعت علاقتها بيا حاولت اتكلم معاها بس كانت بتتجاهلني ... بحكم انها اقل من السن القانوني اللي هو 18 كاتبو كتابها سنه من اسبوع تقريبا صراحة أنا خايفة علي حياتها اللي جايه مش شايفة إن جوازها في السن ده منطقي هي هتخرج من قفص وهتدخل قفص يمكن العن ويمكن يكون خير و خوفي مش مبرر لكن الله يكتبلها السعادة

6

3