اي الحل فالشعور بالاحباط من النفس ؟ تعبت من نفسي و مش عارفه اصلحها و اخليها تستقيم مش عارفه امشي خطوات فعلية فإني احقق اهدافي بسبب الخوف و عدم الثقه و نفس الوقت معنديش صحاب و كل حد مركز فحياته معنديش حد اشاركه لحظات فرحي او حزني او حتى تعبي و بقت نظرتي سلبية اوي تجاه الحياة و مش عارفه احدد اي هدف، مش عارفه اسعد نفسي و مبقتش متحمسه لحاجه خالص اصلا، حاسه بوحده ونفسي اقفل على نفسي و اقعد فأوضتي و مخرجش ومروحش اي مكان هو الشغل بس اللي بيخليني اخرج و معنديش اهتمام بالفلوس او اني اشتري حاجه اهو بشتغل علشان اشغل نفسي و حقيقي لو الشغل مش موجود كان زماني مدمرة .. انا اكتشفت اني مش بحب نفسي للاسف مضايقه منها بسبب اخطاء شنيعه و بسبب علاقة سوشيال مع شخص مكنش مفروض اكلمه و علشان حاجات كتير انا مش بملكها بس بلوم نفسي عليها زي اني اترفضت من كذا انترفيو، حسيت المواقف دي كلها هدت ثقتي فنفسي ومبقتش لاقيه سبب او حاجه اعيش علشانها، ممكن تكتبولي نصايح انا عمري 22 واكيد الناس الاكبر، مني مروا بالمرحلة دي فعايزة اعرف ازاي اخرج نفسي من الوضع ده او حتى ازاي اتعامل مع نفسيتي و حياتي بشكل صح لاني من بعد التخرج وانا كده فحالة انطواء

1

13