حلمت حلم تفسيرة العلمي يعني من عقلي الباطن وكدا اني محتاجة للأمان طول الفتره الي فاتت فكرت اني كويسة وبضحك وبهزر وبيس يعم تجاهل الخوف تجاهل القلق عادي كبر دماغك مش هيحصل حاجة واقعد اخد مسكنات مسكنات وانا تعبانه ودا بيزيد جوايا التراكم ومواقف مع الناس اتراكمت جوايا لما خلاص فاض بيا بقيت اتعصب على اقل حاجة يومين الي فاتو متعصبة مش طايقة حد رغم اني بكلم مع البشر وبهزر وبيس بس بجد مش طايقة حد ول طايقة نفسي حسا نفسيتي بتموت فعلاً واني ضايعة في مشاعر جوايا ماتت وادفنت خلاص الحلم دا رجعها لاول مرة كنت احس بالامان من غير خوف خالص امان نقي تماماً منغير خوف منغير احكام مجتمع منغير ما اكون خايفة من اهل معتقدات مجتمع احساس امان عميق جدا صحيت مرتاحة لابعد حد وهاديه بس بعدين قعدت اقراء التفسير زعلت على نفسي اني ياه لدرجة دي مش واخده بالي اني تعبانة او متجاهلة للدرجة دي صعبت عليا نفسي اوي اوي ان احساس زي الامان وعدم الخوف والقلق دايما وطول الوقت ابسط حقوق اي بشر مفقودين عندي ومبقتش بحس بيهم نفترض عندي شخص مية فل وعشره برضوا مهما بينت له اني واثقة فيه هيكون جوايا. جزء عدم ثقة مش هقدر اثق في حد بشكل كامل اي حد عرفته على الاقل عمل موقفين تلاته هدوا جوايا شئ وعديت بس خلاص دلوقتي باغضة على الكل وتعبانة جدا ، امنيتي حالياً حرفيا احضن حد حتى لو في خيالي احساس الامان الي حسيته في الحلم احسه تاني بجد امان منغير ذرة خوف حلو جدا ، بحاول افضفض هنا لان مش شايفة ان فايدة اكلم مع حد خلاص مش عاوزا حد يسمعني مش عاوزا حد يديني حلول طلبت دا كتير وملقتوش فملهاش لازمة حتى الي بيديني حلول بكون عاوزا دعم شوية مش حل والسلام بكون تعبانه عاوزا اكلم. اتمنى اكون احسن ، دعواتكم ...

2

9