هل ربنا هيسامحني لو أنا قصرت جامد؟

Q: تعبت من كل حاجه يارب ارتاح

تعبت تعبت تعبت تعبت تعبت من نفسي ومن حالي تعبت من الدنيا تعبت من كل حاجه يارب معادش عندي طاقه يارب يارب مش قادر يارب يارب لو الموت خير ليا خدي النهارده قبل بكرا يارب عشان ارتاح تعبت من الندم تعبت من تانيب الضمير تعبت من التقصير يااارب يارب لو خير ليا ارتاح يارب يارب انا مليش غيرك يارب ارتاح بقا ولو بالموت

Q: لو قصرت في المذاكرة.. ربنا هيغفر ويرحم

لو حد قصر ف مذاكرته وبعدين فاق وندم واشتغل ف دا مش داعي خالص انك غلطان وان رحمة ربنا لن تشملك رحمة ربنا تشملك ان شاء الله لان ربنا هو الخالق وهو العالم وهو الي ضمن الأجر نغمة انك ضيّعت قبل كدا وتستاهل بقا وكدا كدا خربانة دي النغمة ال الفاشل عايز يزرعها جواك مجرد انك صحيت من النوم وعرفت غلطتك وندمت دا معناه ان عندك ضمير وانك تستاهل الخير ال بتخسره في حياتك بسبب الندم من غير عمل ومن غير اصلاح هيزوّد إحساس الندم بس ويخليك تهمل اكتر اشتغل وعوّض ال فاتك قدر المستطاع وخليك مؤمن انك مثاب وانك هتؤجر وانك مشمول بعنايه ربنا ورحمته🤍

Question

سلام عليكم 
بيقال أن حسابات ربنا غير حساباتنا و ده اكيد و لاكن افرض أنا اللي معملتش اللي عليا و قصرت جامد جدا جدا و مسعيتش مش كده تستاهل الوحش و اكيد جزائي مش هيبقي حاجه كويسه ربنا رحيم اه و لاكن مش المفروض ناخد بالاسباب و آن واحد زيي معملش اللي عليه مثلا فهل كده برضو نقول حسابات ربنا غير حساباتنا ولا أنا النتيجه بتاعتي ظاهره قدام عيني

Coffee_52562 🇪🇬 · Accepted Answer

فكرت زيك وبعدين تاملت موقف السيده مريم هل هزها للنخله كافي يوقع رطب ؟ يعني هل اللي عملته استحق جزء من النتيجه؟ لا لكن ربنا من عليها ربنا امرها تاخد بالسبب ولو مستحيل عقليا ومش هيعمل حاجه بس تاخد بسبب والنتيجه منه من ربنا بقا ملناش دعوه بيها
والله اعلم مممكن تذاكر ليله ويجي اللي ذاكرته دا توفيق يصاحبي
ربنا يراضيني جميعا ويفرح اهالينا

Hazelnut_56218 🇪🇬 · Answer

لو تبت عن اللي عملته كانك معملتهوش اصلا بس لو توبةنصوحة فالله رحيم غفور و شديد العقاب فحاول تبطل الذنب اللي عملته

Pineapple_20824 🇪🇬 · Answer

هو الموضوع موضوع دراسه مش ذنب الحمد لله

Pineapple_20824 🇪🇬 · Answer

بتكلم عن الدراسه ٣ ثانوي

Hazelnut_56218 🇪🇬 · Answer

يبقي من السنة الجاية شد حيلك وخد بالاسلوب وحاول وهتوصل ان شاء الله

Pineapple_20824 🇪🇬 · Answer

حاضر بس السنادي تالته ثانوي اخر سنه للاسف

Pineapple_20824 🇪🇬 · Answer

صح كده شكرا بجد ردك كافي و وافي جدا 🤍 أمين يا رب ربنا يكرمنا

Hazelnut_56218 🇪🇬 · Answer

شد حيلك ممكن تذاكر بجد من دلوقتي وتوصل ان شاء الله المهم انك تستعين بالله

Biscuit_60212 🇪🇬 · Answer

ربنا رحيم وفي نفس الوقت عادل ..احنا كبشر ملزمين نعمل اللي علينا بأمانة .. طيب بالنسبة لحالة طالب في سنة تالتة اه انا معملتش كل اللي عليا تقصير بس انتبهت لنفسي وجيت ايام الامتحانات شديت جدا كنت بذاكر بتركيز عالي واوقات ساعات طويلة لانه رحيم وعادل هيجازيني خير على تعبي لاني فوقت لنفسي برضو هو أعلم بظروفك وظروف تقصيرك المهم انك تعمل اللي عليك حتى لو اتأخرت في الوقت والنتيجة عند ربنا مش بتاعتنا دي