مش عارفه انسى اللي سابني عشان بيحب غيري

Question

حبيت واحد وهو حبني و ارتبطنا و بعد فتره اتعرف ع بنت وكانوا صحاب و هي كانت مرتبطه ب واحد صاحبوا وبعدها ب فتره سابني عشان بيحبها وهي الولد اللي كانت مرتبطه بيه سابها وارتبط هي واللي يحبوا بس هي مش بتحبه وهو بيحبها جدا وهو خلاني افضل انا وهو صحاب هو كل شويه يحكيلي هو قد ايه بيحبها انا مش عارفه انسى وبأذي نقسي وانا لسه بكلمه ك اصحاب بس انا مش عارفه ابعد عنه اعمل ايه

Pineapple_30761 🇪🇬 · Accepted Answer

ده يا بنتي مستهتر بيكي وبمشاعرك لدرجه انه ضامن انه مهما عمل فيكي حتى لو سابك عشان واحده تانيه لا كمان والبجاحه بيستغلك عشان يفضفض؟! لو ده بجد اهربي

Cherry_33789 🇪🇬 · Answer

اقطعي علاقتك بيه ولا صحاب ولا غير هو مش مراعي مشاعرك ليه انتي تقعدي تسمعي مشاكله؟
ابعدي عن الحاجه البتأذيكي وسيبيه
وركزي مع نفسك واهتمي بيها وقربي من ربنا

Cherry_33926 🇵🇸 · Answer

يا حبيبتي ابعدي عن العلاقات المحرمة لانها بتإذيكي تقربي من الله  وابعدي عن هادا الشخص خلي دائرتك نظيفة وبس فيها نس منيحة  وناس بتحبك وتقربي من الله  واكيد بعدين راح تلاقي شخص مناسب ليكي ويكون هو الشخص الصح بحياتك  ويكون بخاف الله  وما يرضى يكلمك ويدخل معك بعلاقة محرمة ويدخل البيت من بابه

Chocolate_33154 🇪🇬 · Answer

تختاري نفسك وتفوقي ليها وتبطلي عبط ده مختاركيش ولا عمره هيختارك ده انسان اناني وهي بكرا هتسيبه وهيرجعلك يعيط

Blueberry_33916 🇪🇬 · Answer

اقطعي علاقتك بيه حتى لو ده مش على هواكي وحتى لو هتزعلي جامد وهتضايقي دلوقتي لكن صدقيني في المستقبل هتستوعبي انك اخدتي القرار الصح  ده شخص مش كويس ومش مقدر مشاعرك ولا بيحاول يحترمها حتى ده واحد ميستاهلكيش صدقيني اغصبي نفسك على البعد وابعدي وشوفي حياتك وقربي من ربنا ومن اهلك او صحابك واشغلي يومك بحاجات لطيفة تفرحك  متستهلكيش نفسك في صداقة مقرفة زي صداقته  فكري في نفسك وبس

Lemon_29711 🇪🇬 · Answer

انا قولتله احنا ليه لسه صحاب قالي اني زي اخته بعد مليون بحبك اصلا و انه بيحب يتكلم معايا و هو مش بيحكي حاجه مدايقاه غير ليًا حاولت ابعد بس هو عاوز يحافظ على صداقتنا بس انا مش مرتاحه لانه بيفضل يحكيلي قد ايه هو بيحبها ومش عارفه انسى ولا عارفه اعمل ايه

Lemon_29711 🇪🇬 · Answer

انا قولتله احنا ليه لسه صحاب قالي اني زي اخته بعد مليون بحبك اصلا و انه بيحب يتكلم معايا و هو مش بيحكي حاجه مدايقاه غير ليًا حاولت ابعد بس هو عاوز يحافظ على صداقتنا بس انا مش مرتاحه لانه بيفضل يحكيلي قد ايه هو بيحبها ومش عارفه انسى ولا عارفه اعمل ايه