حبيت نفسي بعد ما عرفت قدرها الحقيقه

Lemon_71361 🇪🇬

منذ أسبوع واحد

شعور مليء بالحياة

موضوع:

هل بتحب نفسك...ولا بتحب الصورة الي عايز توصلها؟

انا حبيت نفسي بعد ما عرفت قدرها الحقيقه و عرفت قدرها من احتاكي بالناس لاقيت نفسي احسن من ناس كتير بس هي شويه مظاهر و مناظر على رشه نفاق على حبه رياء و أهم بيمشوا بس انا قررت اكون صح و اعمل اللي يرضي ربنا و تربيتي و الواح. يكون رحيم بالناس و نفسه لان مافيش نفس هتتحملي اكتر من طاقتها

أنا بحب حياتي كدا ومبسوطة باللي عندي الحمد لله

بعيدا عن تقييم اي حد ليا واني كنت بتصنف حسب مجموعي قي المدرسة والكلية الي دخلتها الي محبتهاش ابدا بس كنت بجيب تقديرات لكن مشتغلتش بيها بعيدا عن كل دا .. انا ربنا مديني نعم كتير الحمد لله بس المجتمع مش بيشوفها نجاح. انا رسامة محترفة وطباخة ممتازة خصوصا الحلويات وكان عندي مشروعى الخاص .. بعرف اكتب روايات في فترة كنت بشتغل على نفسي .. بعد الكلية كنت تايهه ونزلت اشتغل ارضاءا للي حوليا ان شوفي الدنيا والناس .. بس مكنتش مبسوطة ومع الوقت اكتشفت نفسي انا بحب البيت بحب دفا البيت وريحة الكيكة بحب الزرع والالوان الهادية والشمس بحب مكونش متشافة من ناس كتير بحب اكون بعيد معنديش حب للظهور بحب اعيش في امان بعيد عن الناس بحب العصافير بس مبحبش اشوف موتهم بحب العربيات وبحب اركب عربية ماشيه في طريق طويل بحب البحر وبحب افضل ابصله واتمنى في يوم يكون عندي يخت ..بحب ارسم الناس الي بحبها وخصوصا بحب ارسم العيون .. ولما بحب حد بحب اطبخله دي لغة تعبيري .. بحب اعمل لكل انسان الحاجة الي بيحبها بكون ممتنه لشعور اني اكون سبب في فرحة حد فحتي لو كنت في فترة مكنتش ناجحة في نظر الي حوليا لكن انا بحب حياتي كدا الحمد لله كلامي ملغبط بس انا بقالي كتير متكلمتش لما كتبت هنا حسيت اني خفيفه ...عرض المزيد

3 الدعم

9 نصيحة

إياك والمقارنة بالغير - مشوارك مختلف عن أي حد

لما تحب تقارن.. اياك و المقارنه بالغير كل واحد مشواره غير التاني و دايما هتلاقي حد احسن منك في حاجة و اوحش منك في حاجات بس انت مش واخد بالك منها. فهي مقارنه غير صالحه و مش عادله. الوحيد الي تقدر تقارن نفسك بيه هو انت امبارح، و انت الشهر الي فات، و انت السنه الي فاتت. كل سنه و انتم طيبين و سنه جديده سعيده عليكم جميعا. 💙 ...عرض المزيد

28 الدعم

1 نصيحة

هل أغير أسلوبي وأبطل أهتم ولا أبقى زي ما أنا؟

لو انتم من الناس اللي دايما بتهتم وده طبع فيك و ما تعرفيش تغيروا او ان انتوا تقللوا اهتمامكم من ناحيه شخص او صحاب او حاجه زي كده والاهتمام ده طبع فيك حاولت ان انت تغيره وما عرفتش وجه حد من صحابك قالوا ان انت عندكش دم ولا كرامه بسبب ان انت بتهتم حتى لو هم مش بيهتموا ومش بيسالوا مش بيطمنوا تعمل ايه تبعد عنهم ولا تتجاهل الكلام اللي قاله تفضل بطابعك زي ما انت بالرغم ان في ناس منهم قالوا ان ده طبع فيك وان دي حاجه حلوه ما تحاولش تغيرها فهل تغير من اسلوبك وتبطل تهتم وتسال ولا تكبر اللي بيقولوه ولا تبعد ولا تعمل ايه لان الموضوع بيضايق و بيزعل ...عرض المزيد

13 الدعم

2 نصيحة