حبيبك سابك بسبب استوري صحبك ومستنيك تعترفي

Question

جماعة هو انتو لو حبيبكو مكنش بيهتم بيكو وحصل ظرف خلاكي تنزلي تقابلي واحد صحبك علشان يديكي العلاج اللي مش لقياه وخدتي اختك معاكي علشان متقبلهوش لوحدك 
ولما قولتي لحبيبك انك نازله تقابلي صحبك يقولك تمام ويسكت 
ولما تنزلي تقابلي صاحبك تتصوروا وتنزليها استوري 
حبيبك سابك علشان الاستوري دي 
ومكنش عنده مشكله انك تنزلي تقابلي صاحبك بس عنده مشكله لما نزلتي الاستوري 
وسابك بعدها 
ومستنيكي انتي اللي تدخليله تكلميه وتعترفي بغلطك 
وهو مغلطش لما مهتمش ومسألش اصلا ع علاجك ولا هو موجود ولا لا

Jackfruit_28390 🇲🇷 · Accepted Answer

يعني انوا كان ناوي يسيبك وكان يستني منك الغلطة انتي عملتي غلط وهو كان يستناه لذلك سابك لاتفكري كتير و اتركيه بعد ايام راح يرجع اكلمك

Cookies_28544 🇪🇬 · Answer

بس دة كدا ما يبقاش حبيب دة بيستعبط🙆

Coffee_28529 🇪🇬 · Answer

الاحسن متكلميهوش تاني حاسس من كلامك انه بيتسلي او مش مهتم بيكي نوعا ما

Cookies_28544 🇪🇬 · Answer

اتفق

Cookies_28546 🇪🇬 · Answer

هو مش مهتم دي كفايه إنك تبعدي ومتحاوليش أصلا بس دا مش مبرر إنك تنزلي تقابلي شخص تاني أياً كان السبب علشان نفسك قبل أي حد ومفيش شخص هو العلاج إحنا اللي بنختار مدى تأثيرهم علينا وإنتي تقدري تدي كتير لنفسك لو اهتميتي بيها متحطيش نفسك ف مواقف مش كويسه تندمي عليها طول عمرك ، ربنا يوفقك ف حياتك🤍

Watermelon_28537 🇪🇬 · Answer

هو اصلا واحنا مرتبطين كان بيقعد بالاسابيع ميكلمنيش لو انا مبدأتش الكلام
فا تتخيل واحنا سايبين بعض هيكلمني 
مستحيل

Watermelon_28537 🇪🇬 · Answer

هو كان جايبلي العلاج من صيدليه كبيره قريبه شغال فيها 
لفيت كتير ومكنش متوفر 
انا مش نزلت وقابلته علشان نخرج ونتفسح يعني 
ده انا خدت العلاج منه ومشيت

Strawberry_28445 🇪🇬 · Answer

يا اما بيتلكك يا اتخانق علي الاستوري عشان منظرو قصاد الناس مش اكتر

Watermelon_28537 🇪🇬 · Answer

اه بس معرفش انا كنت بستحمل عدم اهتمامه بيا ده ازاي

Watermelon_28537 🇪🇬 · Answer

هو مش خطيبي كنا مرتبطين بس

Jackfruit_28390 🇲🇷 · Answer

اذا استحي على نفسك وفاجئيه ببلوك من كل مكان وحتى لو رجع مش هيوجدك وكبري فنفسك ولا تكري هيك شقلات هاذا الشخص مش بحبك وفقط يتسلى اتركيه ويوم يعرف قيمتك يوم لاينفع ندم

Watermelon_28537 🇪🇬 · Answer

انا كده كده عامله بلوك من ساعتها من كل السوشيال ميديا

Jackfruit_28390 🇲🇷 · Answer

احسنتي الآن عيشي حياتك و لاترسلي رسالة حتى لو كنتي تردين امنعي نفسك

Watermelon_28537 🇪🇬 · Answer

المشكله اني بفكر فيه كتير وده مضايقني

Jackfruit_28390 🇲🇷 · Answer

انا مثلك افكر فيها لاكن كلما فكرتي تذكري الأمور السيئة لتي فعلها وهكذا ستكرهين

Watermelon_28537 🇪🇬 · Answer

عملي تروما اني متحبش والله

Jackfruit_28390 🇲🇷 · Answer

ليش ما تتحبي لاتفكري هيك لو كنتي قلتي لي هاذ الكلام كنت افتخرت لأني مميز وليس الكل يحبني

Watermelon_28537 🇪🇬 · Answer

معرفش بس انا حاسه بكده

Cookies_28546 🇪🇬 · Answer

الف سلامه عليكي مكنتش فاهمه دا سبب زياده أساساً,